Ynskjer du å bli med på ei spennande utviklingsreise der akkurat DU gjer ein forskjell for barn og unge sine oppvekstvilkår i ein innovativ kommune?

Skjåk barne- og ungdomsskule opna i august 2018 som ein moderne, funksjonell og triveleg skule som inspirerer til læring, aktivitet og kreativitet både inne og ute. Skulebygget ligg i sentrum med mellom anna idrettsanlegg, idrettshall, symjehall og bibliotek nærast vegg i vegg. Skulehelsetenesta er aktivt til stades og har eige lokale på skulen. Som ein integrert del av skulen er det ei forsterka avdeling for elevar med meir samansette behov.

Det er i overkant av 180 elevar ved skulen. Kollegiet teller nærare 50 tilsette, inkludert assisterande rektor og merkantilt tilsett.

Skulen er inne i eit utviklingsarbeid kring kulturbygging gjennom byrjaropplæring, dette heng tett saman med kompetanseløftet for spesialpedagogikk og inkluderande praksis. Skrivesenteret og Senter for praksisretta utdanningsforsking er med som rettleiarar og støtte i denne prosessen.

Skjåk kommune er saman med nabokommunen inne i ein prosess der vi utviklar system kring BTI (Betre tverrfagleg innsats). Førebyggande plan for oppvekst vart vedteke i 2023, og gjev mål og føringar for mellom anna BTI, kompetanse i å bygge trygge barn og trygge relasjonar, modellar for analyse og tiltak, inkluderande praksis samt digitale samhandlingsarenaer.

Arbeidsoppgåver

• Sikre elevane våre eit trygt og godt skulemiljø som fremmar inkludering, helse, trivsel og læring.

• Vere ein pådrivar for samarbeid i laget rundt barnet i tråd med førebyggande plan for oppvekst for Skjåk kommune.

• Vidareutvikle involvering, deling og samarbeid i kollegiet slik at skulen sikrar god tilpassa undervisning og godt læringsutbytte hjå kvar enkelt elev.

• Inspirere, motivere og gje retning til dei tilsette gjennom utviklingsarbeid.

• Sikre elevmedverknad, samt samarbeid med føresette.

• Administrativ drift av skulen gjennom økonomistyring, personalansvar og pedagogisk fagleg leiing.

• Stillinga ligg under kommunalsjef oppvekst og utdanning. Rektor deltek i kommunalsjefen si leiargruppe, samt den utvida leiargruppa i Skjåk kommune.

Kvalifikasjonar

• Relevant pedagogisk utdanning.

• Dokumentert leiarerfaring, gjerne rektorerfaring.

• Utdanning innanfor leiing er ynskjeleg, skuleleiarutdanning er ein fordel.

• Erfaring frå, og kunnskap om plan-, utviklings- og omstillingsprosessar.

• God økonomiforståing.

• God systemforståing kring tverrfagleg samarbeid- og samhandling.

• Kunnskap om, og forståing av offentleg sektor og administrasjon.

• Det er ein fordel å kunne syne til resultat innafor utviklings- og omstillingsprosessar, samt frå arbeid med økonomistyring.

• Gode norskkunnskapar, både munnleg og skriftleg - kommunen har nynorsk som administrasjonsspråk.

Politiattest må leverast før tilsetjing.

Vi vektlegg at du

• er ein tydeleg leiar

• legg til rett for gode relasjonar med både elevar, føresette, tilsette på skulen, kollegar i organisasjonen og eksterne aktørar

• inspirerer og motiverer tilsette og elevar

• arbeider mot både kortsiktige og langsiktige mål

• samlar kollegiet i arbeidet om felles mål

• taklar utfordringar, krevjande situasjonar og uføreseielege hendingar

• finn gode løysingar

• er fagleg sterk

• er engasjert og lyttande

• er ambisiøs på skulen og elevane sine vegne

Vi tilbyr

• Tilsetting på kommunale vilkår med løn etter avtale

• Pensjonsordning

Ynskjer du å bu og jobbe i ei fjellbygd med gode arbeidsplassar og fritidsmoglegheiter?Nå kan du prøvebu i Skjåk. Skjåk kommune har bustadar som ein kan leige/prøvebu i, gå inn på lenka under for meir informasjon: https://www.skjaak.kommune.no/tenester/naring-landbruk-og-miljo/sats-pa-skjak/provebustadar/provebu/

Spørsmål kan rettast til

Kommunalsjef Kari Anne Skjaak, mobil 97618847, kari-anne.skjaak@skjaak.kommune.no

Du kan og ta kontakt med vår rådgjevar og samarbeidspartnar hjå Capus for ei fortruleg samtale, Per Jorem, mobil 40021560 , per.jorem@capus.no .

Søknadsfrist 14. oktober, 2024.

• Elektronisk søknadsskjema

• Søkjarlista vil bli offentleggjort

Kommunedirektøren