Har du lyst til å vera med på å redda liv?

Me har tre brannstasjonar i kommunen, Suldalsosen, Sand og Jelsa. Det er ynskjeleg å komme i kontakt med aktuelle kandidatar som kan tenke seg ei deltidstilling innanfor brann og redning.

Stillingsstorleik er 1,73% - 2,19%. Oppstart etter avtale.

Me er på jakt etter kvinner og menn som oppfyller følgjande krav:

• Bustad og arbeidsstad innan 5 minutt frå aktuell brannstasjon
• Førarkort klasse B
• God norsk munnleg og skriftleg framstillingsevne
• God helse og fysikk. Tilfredsstillande krav som røykdykkar (jf. Arbeidstilsynet sine krav)
• Godkjent politiattest

Me tilbyr:

• Meiningsfulle og viktige arbeidsoppgåver i eit positivt arbeidsmiljø.
• Løn i samsvar med Hovudtariffavtalen og særavtale SFS 2404.
• Kvinner vert oppfordra til å søkje!
• Søkjarlistene kan verta offentleggjorte. 

Slik søkjer du

• Me ber om at du søkjer elektronisk. Klikk på «send søknad» og følg vidare instruksjonar.
• Du kan logge inn via ID-porten, med brukarnamn og passord, via Facebook-profil eller søkje utan å logge inn. Dess meir du fyller ut, dess betre vert du sjåande ut på søkjarlista.
• Me ber om at du legg ved attestar og vitnemål i søknaden. Om du ikkje har dei elektronisk kan dei takast med til intervju.
• Treng du hjelp, kan du venda deg til kommunen på tlf 52 79 22 00

Velkomen som søkjar! Me ser fram til å høyra frå deg.

Har du spørsmål til stillingane så ta kontakt med einingsleiar Tormod Hoftun, mobil 916 02 078.