Sikkerhetsposten på Valen sjukehus søkjer no etter ein dedikert sjukepleiar eller vernepleiar.

Hos oss får du sjansen til å arbeide med alvorleg psykisk sjuke pasientar som er innlagde under tvungen psykisk helsevern. Avdelinga har eit samfunnsoppdrag med å gi trygg og effektiv behandling samtidig som vi ivaretek samfunnets behov for sikkerhet.

Sentrale oppgåver på avdelinga er å vurdere og handtere valdsrisiko og samstundes gje god omsorg og behandling. Pasientane våre kan ha både lange og korte opphald, men det er alltid god tid til å bli kjend med kvar enkelt sine ressursar, bakgrunn og behov. 

I vår avdeling har kvar pasient eit tverrfagleg team beståande av miljøpersonal, psykiatar, psykolog, aktivitør og sosionom. Saman jobbar vi for å finne den beste balansen mellom pasientens utvikling og tryggleik for alle.

Sikkerhetsposten på Valen sjukehus har ansvar for å behandle pasientar frå Helse Fonna HF sitt opptaksområde. Pasientar som vert innlagt er underlagt tvungen psykisk helsevern etter §3.3/ §3.2 i lov om psykisk helsevern eller dom til behandling etter §5 i lov om psykisk helsevern.

Vil du bidra til å skape meining i tilværet for menneske med vanskelege tankar, åtferd og følelsar og som har utfordringar med mellommenneskelege relasjonar? 

Søk i dag og bli ein del av vårt engasjerte team på Sikkerhetsposten ved Valen sjukehus.

Arbeidsoppgåver

Som sjukepleiar eller vernepleiar vil du:

• delta i sjukepleie/miljøterapi til pasientar som treng behandling i sikkerhetspsykiatrisk døgnpost
• delta i miljøbehandlinga i eit team beståande av psykiater, psykolog, sjukepleiar, miljøterapeut, sosionom, helsefagarbeidar.
• arbeide med relasjonsbygging og motivasjonsarbeid for å skape endring.
• få medansvar for å koordinere den miljøterapeutiske behandlinga i posten.
• vere med på å vurdere og lage handteringsplanar i forhold til valdsrisiko.
• utforme kortsiktige- og langsiktige behandlingsplanar.

Kvalifikasjonar

• Norsk autorisasjon som sjukepleiar/vernepleiar
• Ønskeleg med erfaring og realkompetanse innan psykiatri.
• Vidareutdanning innan psykisk helsearbeid og rus er ønskeleg.
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad
  

Personlege eigenskapar

Hos oss er det viktig at du:

• er initiativrik, interessert og har respekt for kvar enkelt pasient
• trivst i eit aktivt og travelt miljø
• er tilpasningsdyktig og taklar stressande situasjonar med ro og fagleg haldning
• bidreg til eit godt arbeidsmiljø
• er ein god teamarbeider og likar å jobbe tverrfagleg
• etterspør rettleiing 
• er lojal i forhold til avgjerdsler

Vi tilbyr

• Du vil få ei grundig opplæring
• Kurs i MAP - møte med aggresjonsproblematikk
• Opplæring i voldsrisikovurdering
• Studieveke 35,5 timer årleg i 100% stilling når du har jobba eit år på posten
• Fagleg og personleg utvikling
• Vi har eit inkluderande arbeidsmiljø med kompetente medarbeidarar
• Medlemskap i pensjonsordning, 2% pensjonstrekk, yrkesskadeforsikring, gruppelivsforsikring og tenestereiseforsikring

Vitnemålsportalen 
Vi oppfordrar alle søkjarar til å nytte Vitnemålsportalen for å laste opp vitnemål og karakterutskrifter.          
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemalsportalen.no. Har du fullført utdanning i utlandet, må du leggje ved godkjenning frå Direktoratet for høgare utdanning og kompetanse i søknaden (https://hkdir.no/utdanning-fra-utlandet).  Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden. 

Mangfaldserklæring
Helse Fonna ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Helse Fonna ønskjer å leggje til rette for inkluderande rekruttering.

Kontaktinformasjon

Arbeidsstad

Nøkkelinformasjon: