Ved NVE sitt regionkontor i Førde har vi ledig ei fast stilling som prosjektleiar eller prosjektmedarbeidar i planlegging av flaum-, erosjon- og skredsikringstiltak.

Stillinga inngår i den regionale eininga som gjennomfører sikringstiltak mot flaum-, erosjon- og skredskader, rettleiing om tiltak i vassdrag og skredutsette områder, handterer beredskapssituasjonar og følger opp naturskadehendingar. I eininga er det for tiden 20 tilsette med variert fagbakgrunn som rapporterer direkte til regionsjef.

Vi søker deg som vil bidra til å auke tryggleiken for folk som bur flaum- og skredutsett til, samtidig som vi tek i vare miljøverdiar, og handterer klimaendringar med ein tilpassing frå grå til grøn ingeniørkunst. I stillingane kjem du bort i ingeniørteknisk utfordrande faglege vurderingar som krev god fagkunnskap og forståing for ulike typar naturfare og ulike typar sikringstiltak. Du vil være sentral i vårt samfunnsoppdrag med å hjelpe kommunar, og du må ha god forståing for skjeringspunktet mellom teknologi, miljø og samfunn. Arbeidskvardagen er variert og med stor fleksibilitet, og du vil jobbe og få innflytelse på eit samfunnsområde som blir stadig viktigare.
Vi arbeider spesielt mykje med skred og flaum i alle formar, men også sikringstiltak mot kvikkleire, erosjon og  miljøtiltak i vassdrag. Prosjekta krev eit tett samarbeid internt i NVE og med eksterne aktørar som grunneigarar, kommunar, fylker, andre statlege etatar, konsulentar og entreprenørar. I NVE vil du få moglegheita til å følge prosjekta gjennom alle fasar – frå planlegging til utføring. Du vil arbeide i faggrupper og prosjekt saman med tilsette i tilsvarande stillingar, også ved andre kontor i NVE. Vi løyser viktige oppgåver i fellesskap, og vi ser frem til å få med oss nye kollega på laget.

Region Vest omfattar Vestland og Møre & Romsdal fylker. Regionkontoret i Førde har ca. 40 tilsette som arbeider med sikringstiltak og beredskap, anleggsutføring, farekartlegging, varsling av naturfare, damtryggleik, miljøtilsyn, hydrologi, arealplanoppfølging og konsesjonshandsaming. Vi eit sterkt fagmiljø, engasjerte kollega, vi har varierte arbeidsoppgåver og ein fleksibel arbeidskvardag.

Vi held til i nyoppussa lokale sentralt i Førde. Der har vi tilbod om trening i arbeidstida inkl. gratis tilgang til eit velutstyrt treningssenter i same bygg, og eit aktivt bedriftsidrettslag, der du kan delta i mange ulike aktivitetar saman med gode kollegaer.  

Arbeidsoppgaver

• delta i planlegging av flaum-, erosjon- og skredsikringstiltak med ein god miljømessig tilpassing.
  
• rettleiing om tiltak i vassdrag og skredutsette områder, og delta på synfaringar
  
• ha dialog med grunneigarar, tiltakshavar, kommunar, rådgivarar og entreprenørar, samt kunne delta på folkemøte og informasjonsmøte
  
• bidra til fagleg utvikling på området, og rettleiing av eksterne aktørar
  
• det må påreknast ein del reiseaktivitet, 20 – 40 døgn i året
  
• deltaking i NVE sitt beredskapsarbeid på flaum- og skredområdet, inkludert innsats i beredskapssituasjonar.

Kvalifikasjoner

Krav:

• utdanning på Bachelor eller MSc nivå. Fleire utdanningsretningar kan vere aktuelle.
  
• du må kunne kommunisere godt både skriftleg og munnleg på nynorsk/norsk.
  
• fysikk til å ferdast i terreng
  
• førarkort klasse B
  

Ønskeleg/fordelaktig:

• erfaring frå arbeid med sikringstiltak mot flaum, erosjon og/eller skred
  
• vassdragsteknikk/hydraulikk og/eller geoteknikk og/eller anleggsteknikk som viktig fagområde 
  
• erfaring frå prosjektarbeid/prosjektleiing av anleggsprosjekt
  
• erfaring frå arbeid med vassdrag og/eller skred
  
• erfaring frå beredskapsarbeid
  
• kunnskap om vassdragsforvaltning, byggherreforskrifta og plan- og bygningslova
  
• erfaring med anbodsprosessar og kunnskap om regelverket for offentlege anskaffelser
  
• gode IKT-ferdigheiter og erfaringar med relevante digitale verktøy
  
• evne til å utvikle seg sjølv fagleg

Personlige egenskaper

• du er open og inkluderande
  
• du deler kunnskap
  
• du er initiativrik og nytenkande.
  
• du arbeider godt sjølvstendig, og i team.
  
• det vert lagt betydeleg vekt på om du er personleg eigna.

Vi tilbyr

Som medarbeidar i NVE blir du ein del av ein sterk kunnskapsorganisasjon med eit utstrekt tverrfagleg miljø. Vi er opptekne av at medarbeidarane våre skal ha rom for personleg utvikling, og gode moglegheiter for fagleg utvikling. Du vil få varierte og utfordrande oppgåver med innverknad på viktige samfunnsområde og ei stor kontaktflate.

Stillinga ligg innafor spennet for avdelingsingeniør /overingeniør /senioringeniør (i stillingskode 1085/1087/1181). Din årslønn vil være i høve NVE sin lønspolitikk, og vil justerast etter dine kvalifikasjonar. Frå lønna blir trekt pensjonsinnskot etter gjeldande reglar.

Vi veit at mange ønskjer seg ein hybrid og fleksibel arbeidskvardag med moglegheiter for å veksla mellom å jobba heimanfrå og møtast på kontoret. Det legg me til rette for. Hos oss kan ein inngå avtale om delvis heimearbeid når arbeidsoppgåvene tilseier at det lèt seg gjera i samsvar med NVE sine gjeldande retningslinjer.

Vi meiner at inkludering og mangfald er ein styrke. Vi ønskjer medarbeidarar med ulike kompetansar, fagkombinasjonar, livserfaring og perspektiv for å bidra til endå betre oppgåveløysing. Vi vil leggja til rette for medarbeidarar som har behov for det. Vi oppmodar søkjarar til å kryssa av i jobbportalen dersom dei har funksjonsnedsetjing, hol i CV-en eller innvandrarbakgrunn. Avkryssingane i jobbsøkjarportalen dannar grunnlag for anonymisert statistikk som alle statlege verksemder rapporterer i årsrapportane sine. Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi innkalla minst éin søkjar i kvar av desse gruppene til intervju. For å bli vurdert som søkjar i desse gruppene, det vil seia positivt særbehandla på denne måten, må søkjarane oppfylla visse krav. Les meir om krava på statens arbeidsgiverportal.

Kompetanse og erfaring må dokumenterast med CV, vitnemål og attestar. Vi ønskjer at du legg ved vitnemål og attestar elektronisk til søknaden. Søknadspapir blir ikkje returnerte.

Viss du ønskjer å bli sett bort frå den offentlege søkjarlista, må du grunngi dette. Vi varslar deg viss vi ikkje tek ønsket ditt til følge. Du vil då få moglegheita til å trekkja søknaden før offentleggjering.

Ved behov kan det bli gjennomført ein utvida referansesjekk av kandidat(er) som blir innstilt. Dette inneber ein dokument- og kjeldekontroll for å stadfesta opphav og gyldigheit (m.a. av det som blir oppgitt i CV-ar eller dokument som blir vedlagde).

Kontaktinformasjon

Aart Verhage, Regionssjef, 90184410
Jan Bakke Flore, Sjefingeniør, jabl@nve.no
Anne Marit Berg Flugstad, Seniorrådgiver, 90088900

Arbeidssted

Naustdalsvegen 1B
6800 Førde

Nøkkelinformasjon:

Arbeidsgiver: Norges vassdrags- og energidirektorat (NVE)

Referansenr.: 4865369534
Stillingsprosent: 100%
Fast
Søknadsfrist: 20.10.2024