Ved NVE sitt regionkontor i Førde har vi ledig ei 100% fast stilling som sakshandsamar av høyringssaker, miljøsaker, bekymringsmeldingar skred/flaum, søknader om tilskott til flaum-, erosjon- og skredsikringstiltak samt søknader om krise- og hastetilskot. Ein del av jobben er også rettleiing av private og kommunar i NVE sine ansvarsområde, rettleiarar m.m. I tillegg til sakshandsaming kan det bli aktuelt å inngå i eit sentralt team som utviklar rutinar, og som skal få på plass eksempelbibliotek for sakshandsamarar. Du kan også inngå i beredskapsarbeid saman med andre ved kontoret.

Stillinga inngår i den regionale eininga som gjennomfører sikringstiltak mot flaum-, erosjon- og skredskader, rettleiing om tiltak i vassdrag og skredutsette områder, handterer beredskapssituasjonar og følger opp naturskadehendingar. I eininga er det for tiden 20 tilsette med variert fagbakgrunn som rapporterer direkte til regionsjef.

Region Vest omfattar Vestland og Møre & Romsdal fylker. Regionkontoret i Førde har ca. 40 tilsette som arbeider med sikringstiltak og beredskap, anleggsutføring, farekartlegging, varsling av naturfare, damtryggleik, miljøtilsyn, hydrologi, arealplanoppfølging og konsesjonshandsaming. Vi eit sterkt fagmiljø, engasjerte kollega, vi har varierte arbeidsoppgåver og ein fleksibel arbeidskvardag.

Vi held til i nyoppussa lokale sentralt i Førde. Der har vi tilbod om trening i arbeidstida inkl. gratis tilgang til eit velutstyrt treningssenter i same bygg, og eit aktivt bedriftsidrettslag, der du kan delta i mange ulike aktivitetar saman med gode kollegaer.

Arbeidsoppgaver

• sakshandsaming av høyringssaker
  
• sakshandsaming av miljøsaker
  
• rettleiing av private og kommunar
  
• sakshandsaming av bekymringsmeldingar
  
• sakshandsaming av krise- og hastetilskot
  
• sakshandsaming av tilskottsøknader til flaum-, erosjon- og skredsikringstiltak.
  
• det må påreknast noko reiseaktivitet 

Kvalifikasjoner

Krav:

• utdanning på Bachelor nivå eller høgare. Fleire utdanningsretningar kan vere aktuelle.
  
• du må kunne kommunisere godt både skriftleg og munnleg på nynorsk/norsk.
  

Ønskeleg/fordelaktig:

• fagbakgrunn innan naturfare og vassdragsmiljø.
  
• arbeidserfaring frå sakshandsaming innan offentleg forvaltning.
  
• kjennskap til vassressurslova, plan- og bygningslova, forskrift om naturfaretilskot
  
• førarkort klasse B

Personlige egenskaper

• du er open og inkluderande
  
• du deler kunnskap
  
• du er initiativrik og nytenkande.
  
• du arbeider godt sjølvstendig, og i team.
  
• du har interesse for å utvikle sakshandsaminga og sakshandsamingsrutinar.
  

Det vert lagt betydeleg vekt på om du er personleg eigna.

Vi tilbyr

Som medarbeidar i NVE blir du ein del av ein sterk kunnskapsorganisasjon med eit utstrekt tverrfagleg miljø. Vi er opptekne av at medarbeidarane våre skal ha rom for personleg utvikling, og gode moglegheiter for fagleg utvikling. Du vil få varierte og utfordrande oppgåver med innverknad på viktige samfunnsområde og ei stor kontaktflate.

Din årslønn vil være i høve NVE sin lønspolitikk, og vil justerast etter dine kvalifikasjonar. Frå lønna blir trekt pensjonsinnskot etter gjeldande reglar.

Vi veit at mange ønskjer seg ein hybrid og fleksibel arbeidskvardag med moglegheiter for å veksla mellom å jobba heimanfrå og møtast på kontoret. Det legg vi til rette for. Hos oss kan ein inngå avtale om delvis heimearbeid når arbeidsoppgåvene tilseier at det lèt seg gjera i samsvar med NVE sine gjeldande retningslinjer. Vi har gode arbeidstidsordningar (fleksitid, sommartid, betalt overtid), og medlemskap i Statens pensjonskasse som mellom anna gir gode lånevilkår.

Vi meiner at inkludering og mangfald er ein styrke. Vi ønskjer medarbeidarar med ulike kompetansar, fagkombinasjonar, livserfaring og perspektiv for å bidra til endå betre oppgåveløysing. Vi vil leggja til rette for medarbeidarar som har behov for det. Vi oppmodar søkjarar til å kryssa av i jobbportalen dersom dei har funksjonsnedsetjing, hol i CV-en eller innvandrarbakgrunn. Avkryssingane i jobbsøkjarportalen dannar grunnlag for anonymisert statistikk som alle statlege verksemder rapporterer i årsrapportane sine. Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi innkalla minst éin søkjar i kvar av desse gruppene til intervju. For å bli vurdert som søkjar i desse gruppene, det vil seia positivt særbehandla på denne måten, må søkjarane oppfylla visse krav. Les meir om krava på statens arbeidsgiverportal.

Kompetanse og erfaring må dokumenterast med CV, vitnemål og attestar. Vi ønskjer at du legg ved vitnemål og attestar elektronisk til søknaden. Søknadspapir blir ikkje returnerte.

Viss du ønskjer å bli sett bort frå den offentlege søkjarlista, må du grunngi dette. Vi varslar deg viss vi ikkje tek ønsket ditt til følge. Du vil då få moglegheita til å trekkja søknaden før offentleggjering.

Ved behov kan det bli gjennomført ein utvida referansesjekk av kandidat(er) som blir innstilt. Dette inneber ein dokument- og kjeldekontroll for å stadfesta opphav og gyldigheit (m.a. av det som blir oppgitt i CV-ar eller dokument som blir vedlagde).

         

Kontaktinformasjon

Aart Verhage, Regionssjef, 90184410
Jan Bakke Flore, Sjefingeniør, jabl@nve.no
Anne Marit Berg Flugstad, Seniorrådgiver, 90088900

Arbeidssted

Naustdalsvegen 1B
6800 Førde

Nøkkelinformasjon:

Arbeidsgiver: Norges vassdrags- og energidirektorat (NVE)

Referansenr.: 4865357162
Stillingsprosent: 100%
Fast
Søknadsfrist: 20.10.2024