Vi har ledig fast 100% stilling som støtteressurs - pedagog i Pedagogisk fagsenter.

Vil du vere med å gje barn og unge i Bjørnafjorden ein god oppvekst? Har du interesse og engasjement for arbeid med barn, unge og deira familiar? Då håper vi du vil bli vår kollega i Bjørnafjorden kommune.

Pedagogisk fagsenter er ein del av barnehageområdet i Bjørnafjorden kommune. I Pedagogisk fagsenter jobbar vi direkte med barn som har lovfesta rett til spesialpedagogisk hjelp. Arbeidet vil vera ute i tildelt barnehage i tett samarbeid med dei tilsette.

Arbeidsoppgåver
• Utøve vedtaksfesta spesialpedagogisk hjelp i barnehage (§31 i barnehageloven)
• Rettleiing og samarbeid inn mot barnehage og føresette
• Jobbe førebyggande på «grøn sone»
• Utarbeide tiltaksplanar og årsrapportar i samarbeid med barnehagen.

Kvalifikasjonar
• Relevant høgare utdanning frå universitet eller høgskule på minimum bachelornivå . Utanlandsk utdanning må vere NOKUT godkjent
• Ønskeleg med vidareutdanning i spesialpedagogikk eller anna relevant vidareutdanning.
• Ønskeleg med rettleiingskompetanse
• Ønskeleg med erfaring frå barnehage og arbeid med spesialpedagogikk.
• Fordel med erfaring frå arbeid med språk, alternativ supplerande kommunikasjon og samansette lærevanskar
• Gode skriftlege og munnlege norsk kunnskapar. Det administrative skriftspråket i kommunen er nynorsk.

Vi gjer merksam på at du må leggje fram politiattest.

Eigenskapar
• Evne til å arbeide målretta, sjølvstendig og i team
• God relasjonell kompetanse
• Gode samarbeids- og kommunikasjonsevner
• Evne til å vere fleksibel, strukturert og løysingsfokusert
• Personlege eigenskapar blir vektlagt.

Vi tilbyr
• Varierte og utfordrande arbeidsoppgåver
• Faglege og personlege utfordringar
• Gode pensjons- og forsikringsordningar, og lønn etter avtale

Du må kunne disponere eigen bil. Ta gjerne kontakt for å høyre meir om stillinga dersom du vurderer å søke.