Aukra kommune har ein spennande og variert leiarstilling ledig. Som teknisk sjef vil du ha ein viktig rolle i utviklinga av kommunen og lokalsamfunnet. Du vil leie teknisk eining som består av totalt 33 tilsette. Teknisk sjef rapporterer til kommunalsjef for samfunnsutvikling. Aukra kommune er i ei særstilling økonomisk sett, og samfunnsutvikling er høgt prioritert i kommunen. Kommunen har mellom anna nyleg vedtatt ein ambisiøs bustadpolitisk plan samt klima- og miljøplan. Fleire planoppgåver og investeringar innan bygg – og anlegg ligg føre. Som teknisk sjef vil du vere ein viktig pådrivar i det videre arbeidet med å sette dette ut i livet.

Hovudoppgåver

Teknisk sjef har fagleg og administrativt ansvar for mange områdar:

• Arealplan og byggesaker
• Bygg og eigedomsforvaltning, vedlikehald og reinhald
• Prosjektansvar for bygge- og anleggsprosjekt
• Kart og oppmåling
• VAR (vann, avløp, renovasjon) og kommunale veger
• Følje opp kommunen sine klima- og miljømål
• Saksutredningar innanfor einingas ansvarsområder
• Økonomi-, fag- og personalansvar
• Systematisk arbeid med utvikling og omstilling for å nå overordna målsettingar
• Kontaktperson for kommunale samarbeid (brann, landbruk, renovasjon)
• Deltaking i kriseleiinga

Kva vi ser etter hos deg som søkar

Høgare utdanning innanfor eit relevant fag. Vi er opne for søkarar med mange ulike fagfelt. Kanskje er du ingeniør, økonom eller jurist. Leiarerfaring vil vere ein klar fordel.
For oss er det viktig at du er ein inkluderande og utviklingsorientert leiar. Som leiar er du tydeleg og samarbeidsorientert, med evne til å inspirere og stille krav til dei tilsette.

Du må ha evne til å skape gode relasjonar og samarbeid internt i kommunen og mellom kommunen og næringslivet/innbyggarane. Du ser viktigheita av vidareutvikling av tenestene, er strukturert og opptatt av å levere på frist.

Du har god forståing for økonomistyring. Din kunnskap og erfaring i bruk av data som arbeidsverktøy er god, og du kan nytte nynorsk.

Vi tilbyr

Utfordrande og spennande oppgåver i eit miljø med kompetente medarbeidarar i eit godt fagmiljø. Gode arbeidsvilkår og moglegheiter for kompetanseutvikling og leiarutvikling.
Løn etter avtale og gode pensjons- og forsikringsordningar.

Søkarliste

Om du ønskjer å reservere deg frå oppføring på offentleg søkarliste, må du opplyse om og grunngi dette i søknaden. Opplysningar kan bli offentleggjort sjølv om du har bede om ikkje å bli oppført på søkarlista, jfr. Offentleglova § 25. Du blir varsla dersom ønske om reservasjon ikkje blir teken til følgje.

Søknadsfrist: 29. oktober
Kontakt: Kommunalsjef for samfunnsutvikling Geir Göncz, tlf  979 87 909