Nav Vestland arbeid og helse er eit fylkesdekkande ressurs- og kompetansesenter og er ein del av Nav Vestland si satsing for å levere betre og meir heilskaplege tenester til arbeidslivet. Eininga består av Nav arbeidslivssenter, Nav arbeidsrådgiving, senter for jobbmestring og rådgivande legeteneste. Kontoret har over 80 tilsette som leverer tenester til Nav-kontora i heile fylket.

No ser vi etter ein verksemdskontrollar som vil bli ein del av avdelingsdirektøren si strategiske leiargruppe. Du vil få arbeide med både administrative oppgåver innan økonomi og styring, samt leie spennande utviklingsarbeid.

I denne stillinga får du moglegheita til å jobbe både sjølvstendig og i team, saman med kollegaer med høg kompetanse. Vi legg stor vekt på eit nært og godt samarbeid med andre einingar i etaten, og særleg viktig er kontakten med rettleiarane ved Nav-kontora. I tillegg har vi utstrekt brukarkontakt ved fleire av tenestene våre. I Nav Vestland arbeidar vi etter prinsippa for kontinuerleg forbetring og Lean.  

Nav Vestland er organisert i ni regionar og Nav arbeid og helse er geografisk fordelt til dei ulike regionane. Du vil ha arbeidsstad i Bergen. Då medarbeidarar jobbar i dei ulike regionane, må noko reiseverksemd påreknast.

Arbeidsoppgåver

Arbeidskvardagen din vil vere prega av samarbeid på tvers i eininga vår. Arbeidsoppgåvene dine vil mellom anna bestå av utviklingsarbeid, styringsoppgåver og administrative oppgåver. 

Sentrale arbeidsoppgåver: 

• vere administrativ støtte til avdelingsdirektør og leiargruppa
• leie og koordinere utviklingsarbeid og prosessar på tvers i eininga. I dette inngår å vere støtte for fagleiarar/-koordinatorar med å følgje med på forsking og rapportar for å sikre at me arbeider kunnskapsbasert 
• følge opp styringssystem, deriblant leie interne revisjonsprosessar
• budsjettoppfølging og anna verksemdsrapportering

Det må påreknast at det kan bli endringar i ansvars- og arbeidsoppgåver.

Kvalifikasjonar

• Høgare utdanning på minimum bachelornivå. Du kan ha bakgrunn frå til dømes sosialfag, samfunnsfag, juss eller administrativ retning. Relevant erfaring og /eller utdanning kan kompensere for kravet til utdanning.
• Erfaring frå å drive prosess- og prosjektarbeid
• God kompetanse i å bruke digitale plattformer og verktøy
• God formidlingsevne, munnleg og skriftleg

Administrasjonsspråket til Nav Vestland er nynorsk.

Det er ein fordel om du også har: 

• erfaring frå liknande arbeidsoppgåver, til dømes saksførebuingar
• erfaring frå å jobbe i eller tett på leiargrupper
• kjennskap til Lean og forbetringsarbeid

Vi ser etter deg som

• Arbeider målretta og strukturert
• Er ein lagspelar som medverkar til gode resultat
• Trivst med ein variert arbeidskvardag
• Har god evne til sjølvstendig arbeid
• Er proaktiv og har høg grad av sjølvleiing

Vi tilbyr

• Spennande og meiningsfylte arbeidsoppgåver innan eit viktig samfunnsområde
• Aktive og engasjerte kollegaer
• Fleksibel arbeidstid, heimekontorordning og moglegheit for trening i arbeidstida
• God pensjonsordning, låneordning og forsikringar gjennom Statens pensjonskasse 
• Stillinga blir plassert i stillingskode 1364 seniorrådgivar. Lønsspennet er frå kr. 680 000- kr 760 000. For særs kvalifiserte søkarar kan høgare lønn vurderast.  

Kontaktinformasjon

Linn Merethe Hagedal Bæra, Kontorleder, 40827552, linn.merethe.hagedal.bera@nav.no

Arbeidsstad

Møllendalsveien 8
5009 Bergen

Nøkkelinformasjon:

Arbeidsgivar: NAV

Referansenr.: 4898509149
Stillingsprosent: 100%
Fast
Søknadsfrist: 15.01.2025