Vil du vere med å forme fremtida til ein unik leirstad i fjellheimen? 

Vi søkjer ein dagleg leiar som kan ta ansvar for drift og utvikling av verksemda, og som har god oversikt og kontroll på økonomi, formalia og styresaker. Vi er inne i ei fase der vi ønskjer å tenke nytt rundt Jønnbu – med større utleigekapasitet og meir variert bruk. Vi treng ein leiar som ser Jønnbu sitt potensiale, og som tek initiativ og ansvar for å realisere desse saman med styret og andre samarbeidspartnarar.

Som dagleg leiar må du rekne med å arbeide ein del aleine i kvardagen. Andre tilsette og medhjelparar blir leigde inn ved behov. Dette gir stor fridom og fleksibilitet i arbeidsdagen, men stiller òg krav til sjølvstende, initiativ og god struktur.

I periodar med leirskule og arrangement er det behov for høg tilgjengelegheit – også på kveldstid – medan det i rolegare periodar er mogleg med redusert arbeidstid. Den totale arbeidsmengda vil i snitt vere om lag 50 %, men fordeler seg ulikt over året. Dersom ein når målet med vedvarande auke i omsetning, vil det vere aktuelt med tilsvarande auke i stillingsstorleik.

Ansvar og arbeidsoppgåver

Som dagleg leiar i Jønnbu Fjellkyrkje og Ungdomsenter vil du få det overordna ansvaret for den daglege drifta i stiftinga. Viktige arbeidsoppgåver vil vere økonomi og rekneskap og handtering av bookingar, følgje opp kundar, jobba med marknadsføring og levere anbod

Relevante arbeidsoppgåver vil vere

• Utviklingsarbeid og prosjektleiing
  
• Leiar for innleigde ressursar (kjøkken, reinhald og ekstrahjelp)
  
• Vedlikehald og forvaltning av bygg og uteområde (i samarbeid med andre)
  
• Førebuing og oppfølging av styresaker/ -vedtak

Din profil

Vi ser etter deg som ønskjer å vere ein del av eit arbeid med lang tradisjon og stort potensial. Du har relevant erfaring frå liknande arbeid, og det er ein fordel om du har leiarerfaring. I denne stillinga må du jobbe organisert og sjølvstendig, så det er viktig at du trivst med å arbeide strukturert. 

Vidare ser vi for oss at du 

• har god økonomiforståing 
  
• trivst med å samarbeide og byggje relasjonar
  
• identifiserer deg med verdiane til Jønnbu

Kvifor Jønnbu Fjellkyrje og Ungdomssenter?

Denne stillinga byr på ei variert og meiningsfull arbeidsrolle i naturskjønne omgjevnadar. Du vil få ei sentral rolle i den daglege drifta og samtidig ha reell innverknad på den vidare utviklinga av Jønnbu. Her ligg det eit spennande potensial for å forme framtida for Jønnbu.

Vi tilbyr fleksibilitet både når det gjeld arbeidstid og arbeidsform. Lønna blir fastsett etter avtale, og i tillegg tilbyr vi ei privat pensjonsordning som ein del av kompensasjonspakken.

Kort sagt, dette er ei unik moglegheit for deg som ønskjer ei innhaldsrik stilling med gode utviklingsmoglegheiter, fleksibilitet og konkurransedyktige betingelsar i inspirerande omgjevnadar.

 

Søknadsfrist: 8. juni – søknader vert vurdert fortløpande.

Ønskjer du meir informasjon om stillinga?

Ta kontakt med styreleiar

• Martin Stærk, tlf. 91577038

 

Registrer og send inn CV og søknad snarast, og hugs å legge ved alle relevante attestar og vitnemål. 

Tiltreding etter avtale.

Kontaktinformasjon

Martin Stærk, Styreleiar,  91 57 70 38, solvang188@gmail.com

Nøkkelinformasjon:

Arbeidsgiver: Knif jobb

Referansenr.: 4971549976
Stillingsprosent: 100%
Fast
Søknadsfrist: 08.06.2025