Vi ser etter ein person med ordenssans som liker å male, stelle og luke rundt hus og tun . Arbeidet går ut på å hjelpe driftsteknikarane og handverkarane våre med forfallande arbeid når det er behov for det og under ferieavvikling.

Sentrale arbeidsoppgåver

• Hjelpe drift teknikar og tradisjonshandverkar der det trengs

• Grasslott

• Skraping og maling av hus

• Graving, luking og stell rundt hus

• Grøfting

• Andre forfallande arbeid

Vi søker deg som

• Er handy, kan litt om alt; snekring, maling, grasslott, grøfting osv.

• Utdanna gartnar, malar, snekker

• Har du maskinførar bevis er det en fordel

Av personlege eigenskapar ønskjer vi oss deg som

• Er sjølv gåande

• Positiv

• Har ordenssans

• Kreativ og løysingsorientert

• Trivast med ein variert arbeidskvardag

• Serviceinnstilt og fleksibel

Vi brukar som hovudregel nynorsk som skriftspråk. Den som vert tilsett må meistre norsk både skriftleg og munnleg. Begge målformene må kunne nyttast.

Personlege eigenskapar og erfaring blir vektlagt.

Vi kan tilby

• ein utfordrande jobb i eit utviklande og godt fagmiljø

• løn i SK 1091 Teknikar med aktuell lønsplassering i statens sitt lønsregulativ frå kr 417 300 i årslønn ut frå kvalifikasjonar, ansiennitet og erfaring.

• fleksibel arbeidstid og medlemskap i Kommunal Landspensjonskasse med gode pensjons-, forsikrings- og låneordningar. Frå løna vert trekt 2 % innskot til pensjonskassa.

Den første månaden er prøvetid. Utviklinga av organisasjonen vår er ein kontinuerleg prosess, og den som vert tilsett må vere open for endringar i organisering, oppgåver og ansvarsområde. Det må påreknast noko reising.

Inkludering og mangfald er ein styrke og gjer at vi kan løyse oppgåvene våre enda betre. Difor ynskjer vi oss medarbeidarar med ulik kompetanse, fagkombinasjonar, livsrøynsle og perspektiv. Har du ei funksjonsnedsetjing, hol i CV-en eller innvandrarbakgrunn, oppmodar vi deg og til å søkje. Får du jobben, legg vi til rette for deg om du treng det.