Statens helsetilsyn har det overordna ansvaret for fagleg tilsyn med sosiale tenester i Nav, barnevern-, helse- og omsorgstenesta. Statens helsetilsyn skal utvikle tilsynsverksemd og drive kompetansebygging. Vidare skal vi medverke til at erfaringar frå tilsyn blir gjort tilgjengeleg for politiske oppdragsgivarar, for dei som har ansvar for tenestene og personellet der, for brukarane av tenestene, og for befolkninga.

Er du ein samfunnsangasjert vernepleiar eller sjukepleiar med lang erfaring og med kunnskap og interesse for kvalitetsarbeid og pasienttryggleik? Helsetilsynet er i gang med å gjennomføre eit digitalt skifte som er naudsamt for at vi skal kunne fylle samfunnsoppdraget vårt. Vi ser difor etter deg som og er god på å samanstille og analysere data og er nysgjerrig på moglegheitene ved auka digitalisering av tilsyn. Stillinga er for tida plassert i Avdeling for tilsyns- og klagesaker i helse- og omsorgstenesta. Avdelinga har ansvaret for behandling av enkeltsaker som gjeld helsepersonell. Avdelinga har og overordna ansvar for rettsklager og kontroll med bruk av tvang og makt.

Helsetilsynet organiserer arbeidet i tverrfaglege team, og du vil jobbe tett saman med andre fagpersonar med ulike fagbakgrunnar.

Arbeidsoppgåver

Denne stillinga krev ein person som er dyktig i kommunikasjon, har leiareigenskapar, og er i stand til å handtere kompleks saksbehandling. Vidare vil du òg vere ein viktig medspelar i arbeidet vårt med digitalisering.

Du vil få arbeide med:

• Kommunikasjon og formidling: Du vil ha en sentral rolle i å kommunisere med statsforvaltarane, både munnleg og skriftleg, inkludert å skrive artiklar og presentasjonar basert på tilsynserfaringar.
• Utvikling og leiing: Leie utviklingsoppgåver og overordna arbeid med saker som vedgår tilsyn og pasienttryggleik.
• Saksbehandling og oppfølging av tilsynssaker og søknader.
• Nettverks- og kompetansebygging: Bygge og styrke nettverk og kompetanse både internt og eksternt.

Kvalifikasjonar

Nødvendige kvalifikasjonar:

• utdanning som sjukepleiar eller vernepleiar med gyldig autorisasjon
• lang og relevant arbeidserfaring frå kommune- og/eller spesialisthelsetenesta 
• god og heilskapeleg forståing av helse- og omsorgssektoren 
• erfaring med sjølvstendig arbeid og frå tverrfagleg samarbeid
• god skriftlig og muntlig framstillingsevne 
• erfaring frå å leie utviklingsoppgåver og prosessar 
  

Ønskte kvalifikasjonar: 

• relevant master - eller vidareutdanning
• erfaring frå kvalitetsarbeid og arbeid med pasientsikkerheit 
  
• kjennskap til offentleg forvalting
  
• kjennskap til tilsyn og kvalitetsforbetring
  

Personlege eigenskapar

Vi legg stor vekt på at du er personleg eigna. Vi trur du vil trivast og lykkast i denne stillinga dersom du:

• har god evne til å samarbeide og få andre med deg på laget, på tvers av fagområde og profesjonar
• tar ansvar, er sjølvstendig og løysingsorientert
• har god framdrift og struktur i oppgaveløysinga
• er fleksibel og hjelper til når det trengst og bidreg til eit godt arbeidsmiljø
• er nysgjerrig og interessert i å sette deg inn i nye fagområde 

Vi tilbyr

Stillinga blir lønna i spennet: kr 700 000 - kr 850 000. For særleg kvalifiserte søkarar kan høgare lønn vurderast. Frå lønna blir det trekt 2 % lovfesta innskot til Statens pensjonskasse.

Vi er om lag 130 medarbeidarar og har kontorlokale sentralt i Oslo. Vi har kantine, sykkelgarasje og eige trimrom. Statens helsetilsyn har fleksibel arbeidstid (jf. Særavtale om fleksibel arbeidstid i staten), samt sommartid og vintertid, og du har høve til å trene inntil ein time per veke i arbeidstida. Medarbeidarar som har eigna oppgåver kan få høve til å arbeide heimanfrå inntil 2 dager per veke.

Mangfald er viktig i Statens helsetilsyn. Vi ønsker at kvalifiserte kandidatar søker jobb hos oss uavhengig av kjønn, alder, funksjonsevne, hol i CV-en, etnisk eller nasjonal bakgrunn. Vi oppfordrar søkarar til å krysse av i jobbportalen dersom dei har nedsett funksjonsevne, hol i CV-en eller innvandrarbakgrunn. Du kan lese meir om positiv særbehandling her: https://arbeidsgiver.difi.no/positivsaerbehandling.

Vitnemål og attestar skal leggast ved søknaden. Tilgang til vitnemålsportalen vil bli etterspurd for kandidatar som er aktuelle for stillinga. Opplysningar om søkaren kan bli offentleggjort sjølv om søkaren har bedt om ikkje å bli ført opp på søkarlista jf. offentleglova § 25. 

Kontaktinformasjon

Vigdis Malt Marøy , underdirektør,  47 90 60 22 52 , vmm@helsetilsynet.no
Anne Myhr, Avdelingsdirektør, +47 21 52 99 33, amy@helsetilsynet.no

Arbeidssted

Møllergata 24
0179 OSLO

Nøkkelinformasjon:

Arbeidsgiver: Statens helsetilsyn

Referansenr.: 4927261288
Stillingsprosent: 100%
Søknadsfrist: 03.08.2025