Vi ved seksjon for medisinske legar ved Klinikk Ålesund sjukehus har ledig vikariat for Lege i spesialisering, evt også LIS1-vikar (ventar på LIS1-teneste).

Vi har ledig fleire vikariat i spesialiseringsløp innan indremedisin, med særskilt ønske om LIS3 innan indremedisin, endokrinologi eller hematologi/geriatri. Tilsetjing frå 01.09.25 og seinast 01.03.26. Startdato kan avtalast. Ved intern omrokkering kan andre stillingar bli ledige.

Medisinsk avdeling er del av Klinikk Ålesund sjukehus. Den inneheld tre sengepostar, poliklinikkar, dialyseeining og intensivsenger. Avdelinga har alle fagseksjonar innanfor indremedisin inkludert egen slageining. Vi har 3-delt vaktordning med LIS1 og LIS3 til stades heile døgnet og seksjonert bakvakt i kardiologi og nefrologi i tillegg til generell bakvakt. Seksjonen set godt arbeidsmiljø, samarbeid og høgt fagleg nivå som viktige mål. Vi har starta med fadderordning for nye LIS og har følgevakt i starten. Tryggleik, trivsel og meistring er viktig for oss!

Vi ber om at attestar og vitnemål vert scanna og lasta opp som vedlegg til din CV.      

Arbeidsoppgåver

• Klinisk arbeid ved poliklinikk og sengepost 
  
• Supervisjon/rettleiing av LIS1 
• Internundervisning 
• Deltaking i avdelinga si vaktordning (akuttmottak)
• Utviklings- og forbetringsarbeid

Kvalifikasjonar

• Norsk autorisasjon som lege
• Godkjent del 1 av spesialistutdanninga eller turnusteneste etter gammal ordning (lisens som lege dersom du søker LIS1-vikar)
• Kommunikasjon- og samarbeidsevner internt og eksternt
• Evne til fleksibilitet
• Gode språkkunnskapar i norsk/skandinavisk, både munnleg og skriftleg

Personlege eigenskapar

• Du har evne til å samarbeide
  
• Du bidreg til innovasjon
• Personleg eignaheit vert vektlagt ved tilsetting

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. Les meir her!

Kontaktinformasjon

Arbeidssted

Nøkkelinformasjon: