UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

. Video: https://youtu.be/M5n6RnScNgA

Førsteamanuensis i norsk som andrespråk 

Velkomen som søkjar til ei fast stilling som førsteamanuensis i norsk som andrespråk ved Institutt for lingvistiske, litterære og estetiske studium med oppstart 01.05.2026 eller så snart som mogleg etter dette.

LLE har kring 80 vitskapleg tilsette, 17 administrativt tilsette, rundt 40 ph.d.-kandidatar og sju postdoktorar. Instituttet femner om faga allmenn litteraturvitskap, digital kultur, klassiske fag, kunsthistorie, nordisk litteratur, nordisk språkvitkskap, nordisk fagdidaktikk, norrøn filologi, norsk som andrespråk, allmenn språkvitskap og teatervitskap. Bokmålsordboka, Nynorskordboka og Norsk Ordbok blir redigerte ved LLE, instituttet drivden nasjonale språkinfrastrukturen Clarino, og eit nasjonalt senter for norsk fagspråk finansiert av Noregs forskingsråd startar opp her høsten 2025.

Av dei fast tilsette ved LLE arbeider for tida tre innanfor faget norsk som andrespråk. I tillegg er det to stipendiatar i disiplinen.

Arbeidsoppgåver/forskingsområde:

• Forsking innan sitt fagområde, med 46 prosent forskingstid. 
• Undervising, rettleiing og eksamensarbeid for studentar på alle nivå og innan alle program der norsk som andrespråk inngår. 
• Undervisings-, rettleiings- og sensoroppgåver innan sitt kompetanseområde ved andre institutt ved Det humanistiske fakultet etter behov. 
• Bidra til utvikling av faget og emnetilbodet. 
• Bidra til formidling og utvikling av forskingsmiljøet. 
• Deltaking i nasjonalt og internasjonalt forskingssamarbeid.
• Ta ei aktiv rolle innan prosjektutvikling og søking av eksterne midlar. 
• Andre fagleg-administrative oppgåver.

Kvalifikasjonar:

• Forskingskompetanse i norsk som andrespråk med språkleg innretning tilsvarande norsk doktorgrad er eit krav. Søkjarar som ikkje har doktorgrad i norsk som andrespråk med språkleg innretning, må utdjupe i eit eige notat kvifor dei meiner å ha forskarkompetanse i norsk som andrespråk.
• Erfaring frå undervising og rettleiing i norsk som andrespråk på universitetsnivå, samt evne til å bidra til undervisninga på alle nivå der norsk som andrespråk inngår er eit krav.
• Dokumentert relevant utdanningsfagleg kompetanse på grunnlag av utdanning eller undervising og rettleiing er eit krav, sjå Reglar for vurdering av utdanningsfagleg kompetanse ved UiB.
• Evne til å kunne undervise både på norsk (eller eit anna skandinavisk språk) og engelsk frå tilsetting er eit krav.

Følgande erfaringar med forsking og formidling er ein fordel: 

• Dokumentert fagleg breidde, også i andre former av nordisk språkvitskap.
• Erfaring frå forskingssamarbeid og internasjonalt samarbeid.
• Dokumentert evne til å initiere forskingsprosjekt og til å skaffe eksterne midlar.
• Dokumentert kompetanse innan prosjektleiing, koordinering av forskingsaktivitet og strategisk forskingsplanlegging.
• Erfaring med digitale forskingsmetodar.
• Erfaring frå forskingsformidling.

Pågåande forsking og potensial til å styrke instituttet si faglege tyngde i åra framover blir tillagt vekt.

Følgande erfaringar med undervisnings- og utviklingsarbeid er ein fordel: 

• Utvikling av etter- og vidareutdanning innanfor andrespråk.
• Utvikling av læremiddel.
• Undervisning i andrespråk i grunnskule, vidaregåande opplæring eller vaksenopplæring.

Personlege eigenskapar:

• Gode samarbeidsevner.
• Gode evner til å kommunisere og å samhandle med både studentar og kollegaer.  
• God formidlingsevne og entusiasme for arbeidet. 
• Ønskje om og evne til å skape eit godt og inkluderande arbeidsmiljø.
• Sjølvstendigheit og fleksibilitet.
• Vilje til å ta initiativ og ansvar. 

Vurdering av søkjarane: 

Søkjarane vil bli vurderte og rangerte av ein sakkunnig komité. I rangeringa av kvalifiserte søkjarar vil komiteen trekke heile breidda av kvalifikasjonar inn og vurderast eksplisitt etter følgjande prioritering:

• Vitskaplege kvalifikasjonar. 
• Utdanningsfaglege kvalifikasjonar.
• Kvalifikasjonar innan områda formidling, administrasjon og leiing. 
• Andre kvalifikasjonar som er relevant for stillinga slik ho er skissert i denne utlysinga.

Det skal gjerast ei avsluttande vurdering av dei samla kvalifikasjonane. Vurderinga skal sjåast i lys av det karrierestadiet søkjaren er på.

Dei best kvalifiserte søkjarane blir inviterte til å gje ei prøveforelesing og til intervju. Endeleg innstilling vil ta omsyn til alle desse tre prosessane, inkludert søkjarens personlege eigenskapar og eignaheit for stillinga.

Vi tilbyr:

• Brutto årsløn på 757 600,- til 785 000,- (kode 1011).  Vidare lønsopprykk skjer etter ansiennitet i stillinga. For særleg kvalifiserte søkjarar kan det bli aktuelt å vurdera høgare løn. 
• Eit godt og fagleg utfordrande arbeidsmiljø. 
• Attraktive vilkår for forsking, inkludert 46 prosent forskingstid i stillinga, samt moglegheit for å søkje om forskingstermin.  
• Svært gode karrieremoglegheiter, inkludert høve til å søkje om opprykk til professor etter ei akademisk kompetansevurdering basert på retningslinene frå Universitets- og høgskulerådet. 
• Medlemskap i Statens pensjonskasse. 
• Gode velferdsordningar.

Det er forventa at den tilsette hovudsakleg utfører sitt arbeid på campus ved Universitetet i Bergen, deltek i instituttet si daglege drift og rettar seg etter dei retningslinene som gjeld for stillinga.

Følg denne lenka for meir informasjon om tilsetjingsprosessen. 

Slik søkjer du stillinga:

Søknaden skal sendast elektronisk og innan fristen via lenka «SØK STILLINGA» på denne sida. Søknaden skal innehalde:

1. Søknadsbrev. 
2. CV.
3. Vitnemål og karakterutskrifter som dokumenterer fullførte gradar (skanna versjon av originalar eller rettkjende kopiar av alle vitnemål frå høgare utdanning).
4. Fullstendig liste over akademiske publikasjonar, med lenker til fulltekst. 
5. Inntil fem vitskaplege arbeid som reknast som dei viktigaste i produksjonen og som skal inngå i den sakkunnige bedømminga (arbeida kan inkludere avhandlingar, monografiar eller artiklar/kapittel). Dersom upublisert arbeid leggjast ved må dette grunngjevast særskilt. Ved samforfattarskap må søkjar gjere greie for deira bidrag til arbeidet.
6. Utdanningsfagleg mappe og refleksjonsnotat. Følg denne lenka for informasjon om og dokumentasjon av pedagogiske kvalifikasjonar – inkludert ei utdanningsfagleg mappe og refleksjonsnotat.
7. Opplysningar om administrativ røynsle og andre relevante kvalifikasjonar. 
8. Namn og kontaktinformasjon til tre referansepersonar. Ein av desse bør vera noverande eller tidlegare overordna.

Trykk her for rettleiing til utforming av søknad.

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge innan søknadsfristen. Vedlegga kan vere i Word- eller PDF-format. 

Komiteen kan be om tilleggsdokumentasjon ved behov. 

Generell informasjon:

Utfyllande opplysningar om stillinga kan ein få ved å kontakte instituttleiar Anders Fagerjord, e-post anders.fagerjord@uib.no og professor og fagkoordinator Ann-Kristin Helland Gujord, e-post ann-kristin.gujord@uib.no. 

Spørsmål om den elektroniske søknadsprosessen kan rettast til Det humanistiske fakultet på e-post: fakadm@hf.uib.no

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.