Ved Høgskulen på Vestlandet (HVL) er det ledig vikariat i stilling som høgskulelektor ved Fakultet for teknologi, miljø- og samfunnsvitskap

Om stillinga:

Ved Handelshøgskulen HVL er det ledig 100% vikariat som høgskulelektor i organisasjon og leiing, med særleg ansvar for fagområdet prosjektleiing. 

Arbeidsstad er campus Bergen. 

Det er ønskjeleg med snarleg oppstart i stillinga. Vikariatet varar til og med 31.12.2025

Ansvars- og arbeidsområde:

Arbeidsoppgåvene vil i hovudsak vere

• Undervisning i praktisk prosjektleiing, i tillegg til fagområdet organisasjon og leiing
• Undervisning på etter- og vidareutdanningskurs. Dette kan medføra noko kvelds- og helgearbeid
• Sjølvstendig og teambasert undervisning
• Undervisning, rettleiing og utvikling av studentaktive læringsformer i samsvar med krava i studietilsynsforskrifta
• Utvikling og koordinering av fagområdet i samarbeid med instituttet sine ulike studieprogram

Kvalifikasjonar:

Kriteria for tilsetting i stilling som førsteamanuensis/førstelektor går fram av Forskrift til universitets- og høyskoleloven .

Formell utdanning og kompetanse:

• Høgare grads eksamen eller tilsvarande innafor fagområdet
• Utdanningsfagleg kompetanse
• Relevant yrkes- eller undervisningserfaring
• Undervisningsspråket er i all hovudsak norsk, og søkjar må meistre norsk eller eit anna skandinavisk språk, i tillegg til engelsk

Ønska kvalifikasjonar:

• God og oppdatert kunnskap på fagområdet
• Interesse for og/eller erfaring med pedagogisk utviklingsarbeid og varierte undervisningsformer
• Relevant yrkeserfaring tel positivt

Personlege eigenskapar:

• Engasjement for utvikling av fagområdet
• Evne til å arbeida sjølvstendig
• Gode samarbeidsevner og gode evner til relasjonsbygging
• God formidlingsevne både skriftleg og munnleg
• Utviklings- og resultatorientert

Korleis søke på stillinga?

Send søknad og CV ved å klikke på knappen merka ”Søk stillinga” på denne sida.

Vi gjer merksam på at søknaden blir vurdert ut frå den informasjonen som ved søknadsfristen er lagt inn i www.jobbnorge.no. Det er søkjaren sitt ansvar å sørgje for at alle relevante vedlegg er lagt inn innan fristen, irekna:

• vitskapleg arbeid (inntil 15 stk)
• fullstendig publikasjonsliste
• attestar og vitnemål
• dokumentasjon på utdanningsfagleg kompetanse

Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjaren sjølv laste opp attesterte omsettingar. Om vedlegga er større enn 25 MB må dei komprimerast før opplasting, eller leggjast ved som lenkje. 

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning. 

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 

Søknadar kan ikkje sendast på e-post til enkeltpersonar ved høgskulen. 

Vi tilbyr:

Gode pensjons-, forsikrings-, og låneordningar i Statens pensjonskasse

Spanande fagmiljø med moglegheiter for kompetanseheving- og utvikling

Moglegheit for trening i arbeidstida

Stillinga som høgskulelektor er løna etter Statens lønsregulativ, i stillingskode 1008.

Frå løna blir det trekt 2 % innskot til Statens pensjonskasse.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogelg grad spegle mangfaldet i befolkninga. Det er av den grunn eit personalpolitisk mål å oppnå ei balansert alders- og kjønnssamansetting, og å rekruttere personar med minoritetsbakgrunn, nedsett funksjonsevne og hol i CV.

Høgskulen på Vestlandet er underlagt forskrift for eksportkontrollsystem. Forskrifta kan bli brukt i behandlinga av søknadane.

Inkludere, utfordre og samhandle

Les meir på våre heimesider.