Ørsta kommune søkjer etter familierettleiar/terapeut. Stillinga er finansiert av eksterne midlar og er ei engasjementstilling. Perioden vert i første omgang sett til 1 år, men kan verte lenga. Stillinga er organisert under helsestasjonen

Kommunen ser behov for å styrke/utvide kompetansen i helsestasjonen, særleg knytt til utvikling psykisk helse og styrking av foreldrerolla. Oppvekstreformen gjer at vi treng anna kompetanse enn den tradisjonelle i tillegg, for å møte utfordringane på ein god måte.

Helsestasjonen er lokalisert i nye lokale i nær tilknyting til mellom anna legesenteret og fysio/ergo/friskliv. Avdelinga er organisert under tenesteområde Helse, tildeling og koordinering i kommunalområdet for Helse, omsorg og velferd. I tenesteområdet elles ligg fysio/ergo/friskliv, legeteneste, kommunepsykolog, tildeling, koordinering, NAV og barnevern. 

Helsestasjonen har 11,54 årsverk fordelt på 15 tilsette. Vi har eigen helsestasjonslege i 50 % stilling, jordmorressurs 130 %, kommunepsykolog 100 %, merkantil ressurs 100 % og resterande er helsesjukepleiarstillingar. Fysioterapeut er knytt til helsestasjon 0-5 år i 20 % stilling. Vi har eit nært samarbeid med andre som gir tenester til barn og unge.

Helsestasjonen har ansvar for svangerskapsomsorg v/jordmor, helsestasjon 0-5 år, skulehelseteneste, HFU, smittevern, gjennomføre nasjonalt vaksinasjonsprogram og helsekontroll av flyktningar.

Ørsta kommune er oppteken av tverrfagleg samhandling kring born og unge, og kommunen jobbar for å verte ein BTI/BTS-kommune gjennom prosjekt som skal sikre forankring og implementering. Helsestasjonen har ei viktig rolle i dette arbeidet.

Arbeidsoppgåver

• Hovudfokus på arbeid med psykisk helse til barn og unge i alderen 0-23 år 
• Tverrfagleg arbeid i team med førebyggande, helsefremmande og lett behandlande arbeid 
• Samarbeid og veiledning til eksterne instansar 
• Kartlegging 
• Styrking av foreldrerolla
• Endringsarbeid til familiar retta mot foreldrepraksis, familiestruktur og samspelmønster
  
• Samtalar, undervisning og veiledning - individuelt, i grupper, til skuleklasser eller føresette 
• Andre arbeidsoppgåver vil kunne bli lagt til stillinga

Kvalifikasjonar

• Utdanning som familierettleiar /terapeut
• Anna helsefagleg utdanning på bachelornivå med kompetanse på psykisk helse barn og unge, familierettleiing  el. likn. vert også vurdert
• Fordel med erfaring frå arbeid med barn og unge og familiane deira 
• Gode evner til skriftleg og munnleg framstilling. Kommunen nyttar nynorsk i all skriftleg kommunikasjon   
• Førarkort klasse B, og kunne disponere eigen bil i teneste 

 

Oppstart snarast råd. Ved elles like kvalifikasjonar vert rask oppstart vektlagt.

Det vert stilt krav om politiattest ved tilsetjing   

Personlege eigenskapar

• Gode kommunikasjons- og samarbeidsevner 
• Evne til å arbeide både sjølvstendig og i team 
• Interesse for arbeid med barn og unge, tenkje heilskapleg 
• Ha evne til å tenke nytt og ta initiativ 
• Evne til å skape tillit, relasjonar og stå i krevande saker
• Evne til å strukturere eigen arbeidskvardag 
• Digital kompetanse 
• Vere bidragande til eit godt arbeidsmiljø 

Personlege eigenskapar og eignaheit for stillinga vert tillagt stor vekt

Vi tilbyr

• Godt fagmiljø og dyktige kollegaer 
• Veiledning i grupper 
• Ein helsestasjon i utvikling 
• Inkluderande og ivaretakande arbeidsmiljø 
• Moglegheit for fagleg og personleg utvikling 
• Spennande utfordringar og ein variert arbeidskvardag 
• Arbeidstid på dagtid med fleksitidsordning 
• Løn etter gjeldande avtaleverk 

Kommunen har gode pensjons- og forsikringsordningar for tilsette i KLP 

Tilsetjing i samsvar med gjeldande lov-, forskrift og avtaleverk . 

Referansar vert nytta og aktuelle søkjarar kan verte kalla inn til intervju. 

Kontaktinformasjon

Camilla Nupen, avdelingsleiar
Runa Bakke, Tenesteleiar

Arbeidsstad

Dalevegen 6
6153 Ørsta

Nøkkelinformasjon:

Arbeidsgivar: Ørsta kommune

Referansenr.: 4928474858
Stillingsprosent: 100%
Engasjement
Startdato: 01.04.2025
Sluttdato: 31.03.2026
Søknadsfrist: 14.03.2025