Om stillinga

Ved Høgskulen i Volda, Avdeling for humanistiske fag og lærarutdanning, Institutt for pedagogikk er det ledig ei fast stilling som høgskulelektor i spesialpedagogikk frå og med 01.08.2025.

For å nå våre ambisjonar om å utvikle regionalt forankra og framtidsretta utdanningar, søker vi deg som er engasjert og innovativ. Vi søker deg som gjennom praksiserfaring, undervising og forsking kan bidra til å utdanne profesjonelle spesialpedagogar, leggje til rette for kompetanseutvikling i regionen og bidra til forsking innan fagfeltet. Du må evne å sjå det doble perspektivet mellom akademia og praksisfeltet. 

Kvalifikasjonar

Kriteria for tilsetting i undervisnings- og forskarstilling går fram av Forskrift til universitets- og høyskoleloven. 

Den som vert tilsett må

• ha solid kjennskap til pedagogikk/spesialpedagogikk som fagog vitskapsfelt
• kunne arbeide sjølvstendig, ta initiativ og vere fleksibel 
• ha gode samarbeids- og formidlingsevne
• kunnskap og erfaring med å utvikle og gjennomføre kompetanseutviklingstiltak
• vere personleg eigna for stillinga.
• ha høgt etisk medvit i møte med studentar 
• kunne bruke digitale verktøy i arbeidskvardagen 
• meistre norsk eller eit anna skandinavisk språk
• ha kompetanse innan eitt eller fleire av områda: barn og unge si psykisk helse,førebyggingmot traume/vald, matematikkvanskar
• ha kunnskap om og erfaring frå praksisfelta 
• ha sertifikat klasse B
• kunne dokumentere relevant kompetanse i og erfaring frå forsking, undervisning og formidling i pedagogikk

 

For tilsetjing som høgskulelektorer det krav omhøgare grads eksamen ved universitet, høgskule eller tilsvarande, i tillegg kjem forskingskvalifikasjonar utover mastergrads- eller hovudfagsnivå og /eller relevant yrkespraksis. 

Arbeidsfelt

Stillinga inneheld oppgåver knytt til undervisning, rettleiing, formidling, forskings- og utviklingsarbeid. Stillingaer knytt til arbeid i kompetanseløft for spesialpedagogikk og inkluderande praksis. Desentralisert ordning for kompetanseutvikling i skulen, regional ordning for barnehagebasert kompetanseutvikling. Arbeidet består av å aktivt planlegge, leie og gjennomføre prosessar saman med kommune/fylkeskommune for ein inkluderande praksis i barnehage og skule. Det må påreknast reiseaktivitet, då mykje av arbeidet skjer ute i regionane. Det kan kome andre oppgåver på andre program i instituttet i tillegg.

Instituttet er involvert i fleire forskingsprosjekt og har god publiseringsaktivitet. Det er venta at alle tilsette er aktivemedlemmer i ei av forskingsgruppene ved høgskulen.

Arbeidsoppgåver vil kunne bli endra i tråd med institutt for pedagogikk og avdeling for humanistiske fag og lærarutdanning sine satsingsområde og samfunnet sine behov.

Vi tilbyr

HVO tilbyr varierte arbeidsoppgåver i ei stor, spanande og samfunnsviktig verksemd. Avdelinga har eit inkluderande og godt fagleg arbeidsfellesskap, der det er høve til fagleg og personleg utvikling.

Stillinga er løna etter kompetanse og kvalifikasjonar i statens lønsregulativ med normal årsløn frå 1008 frå kr 598  417 – 754 106 i  stillingskode 1008 høgskulelektor ved Høgskulen i Volda.

Generell informasjon

Ved HVO er vi opptatt av mangfald. Medarbeidarar med ulik livserfaring vil gjere oss i stand til å finne  gode løysingar på arbeidet vårt. Vi oppmodar difor alle til å søke stillinga utan omsyn til alder, kjønn, funksjonsevne eller etnisk bakgrunn. Du er også velkommen til å søke sjølv om du ikkje kan vise til ei samanhengande yrkeskarriere. Lokala er universelt utforma, og vi legg tilhøva til rette for personar med nedsett funksjonsevne.

Dersom du har nedsett funksjonsevne, innvandrarbakgrunn eller hol i CV kan du bli positivt særbehandla om du kryssar av for dette når du søker stillinga. Vi vil invitere minst éin kvalifisert søkar i kvar av desse gruppene til intervju. For å bli positivt særbehandla på denne måten, må du oppfylle visse krav. Les meir om dette på arbeidsgiverportalen.

Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.

Aktuelle kandidatar vert innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.

Om søknaden

Alle som søker stillinga må søke digitalt gjennom rekrutteringsportalen Jobbnorge. Du må laste opp relevante vitnemål og attestar. Vi gjer merksam på at søknaden blir vurdert ut frå informasjon som ligg føre ved utløp av søknadsfristen. Det er viktig at du viser korleis din kompetanse fyller kriteria for stillinga

Offentleg søkarliste blir utarbeidd etter at søknadsfristen er ute. Dersom du ønsker å reservere deg frå oppføring på offentleg søkarliste, må dette grunngjevast i Jobbnorge. Du vil bli varsla om reservasjon ikkje blir tatt til følge.

Følgjande dokument/filer skal leggjast ved den elektroniske søknaden:

• Vitnemål og attestar, samla i ei fil
• CV
• Masteroppgåve
• Relevantevitskapelege arbeid

Dei faglege kvalifikasjonane til søkjarane vert vurderte av eit sakkunnig utval.
 

Kontakt

Nærare opplysningar om stillinga får ein ved å ta kontakt med dekan Silje Ims Lied tlf. 70 07 52 94/ 468 04958, e-post: silje.ims.lied@hivolda.no
 

Om avdelinga

Avdeling for humanistiske fag og lærarutdanning tilbyr grunnskulelærarutdanning, barnehagelærarutdanning, praktisk pedagogisk utdanning, ulike fagutdanningar og mastergradstudium med spesialiseringar i matematikk, norsk,spesialpedagogikkeller barnehagekunnskap, samt eit omfattande etter- og vidareutdanningstilbod.

Studiebygda Volda

Midt mellom fjord og fjell på spektakulære Sunnmøre finn du Høgskulen i Volda, med sine lange tradisjonar.

Les meir på www.hivolda.no

. Video: https://www.youtube.com/watch?v=wSlL1WkuUXc