Om stillinga og seksjonen

Er du engasjert, strukturert og glad i å jobbe i eit internasjonalt miljø? Då kan dette vere stillinga for deg! Vi ser etter deg som vil bidra til å gi studentar internasjonale moglegheiter og som trivst med ein variert og travel kvardag.

NHH har ledig eit vikariat i 100 prosent som førstekonsulent frå 1. desember 2025 til 1. september 2026 med moglegheit for forlenging. 

Som internasjonal koordinator ved NHH blir du ein nøkkelperson i arbeidet med å organisere og drifte høgskulen sine utvekslingsprogram. Du får jobbe tett med studentar og samarbeidspartnarar over heile verda – og vere med på å vidareutvikle NHH si rolle som leiande på studentmobilitet i Norge.

Stillinga er plassert i Seksjon for internasjonale relasjonar, som er ein del av Studieadministrativ avdeling. Arbeidsmiljøet er prega av samarbeid, godt humør og ein vilje til å tenke nytt. Du vil få kollegaer som deler kunnskap og erfaringar.

Hovudoppgåver

• sakshandsame og administrere høgskulen sine utvekslingsprogram og internasjonale utdanningstilbod
• rettleie og rådgje studentar som søkjer utveksling
• Informere om og kommunisere ut høgskulen sine internasjonale utdanningstilbod
• forvalte og administrere utvekslingsavtalar og kvalitetssikre avtaleportefølje
• delta i andre arbeidsoppgåver på seksjonen ved behov

Du må rekne med endringar i arbeidsoppgåvene over tid. 

Kvalifikasjonskrav 

• relevant høgare utdanning, minimum tilsvarande bachelorgrad (relevant realkompetanse kan i nokon tilfelle erstatte utdanningskravet)
• god skriftleg og munnleg formuleringsevne på norsk og engelsk
• gode ferdigheiter med bruk av digitale verktøy

Det er ein føremon at du har

• internasjonal erfaring i form av arbeids- og/eller studieopphald i utlandet
• sakshandsamarkompetanse
• erfaring frå førstelineteneste/service
• språkkunnskapar i andre framandspråk

Personlege eigenskapar

Vi ser etter deg som har evne til

• å jobbe strukturert og nøyaktig
• å meistre høgt tempo og knappe fristar
• å jobbe sjølvstendig så vel som i team
• å opptre serviceinnstilt og imøtekomande
• å vere utviklingsorientert og initiativrik

NHH tilbyr

• jobb i ein organisasjon som utfører spennande og samfunnsnyttige oppgåver
• varierte oppgåver og utfordringar
• eit triveleg og stimulerande arbeidsmiljø med gode kollegaer
• fleksibel arbeidstidsordning og inkluderande arbeidsliv
• gode forsikrings-, pensjons- og låneordningar i Statens pensjonskasse (www.spk.no)
• velferdsgode som subsidiert trening ved Sammen og bedriftshytte 

Stillinga har kode 1408 - førstekonsulent og er lønna med kr. 520 000 til kr 560 000 per år avhengig av kvalifikasjonar. For særleg kvalifiserte søkjarar kan høgare lønn bli vurdert. Eit innskot på to prosent til Statens pensjonskasse blir trekt frå lønna. 

Generell informasjon

NHH legg vekt på mangfald. Vi oppmodar derfor alle som er kvalifiserte om å søkje stillinga utan omsyn til kjønn, alder, funksjonshemming, kulturell bakgrunn og/eller hol i CV-en.

Vi gjer merksam på at opplysningar om søkjarar kan bli offentleggjorde sjølv om søkjaren har bede om å bli unnateken frå søkjarlista. Søkjarar vil bli informerte om dette på førehand.

Dersom du ønskjer meir informasjon om stillinga, kan du ta kontakt med seksjonsleiar Astrid Foldal, astrid.foldal@nhh.no tlf. 55 95 96 88.

Søknadsfrist 31.08.2025.

Søknad, CV, vitnemål og attester sendast elektronisk via Jobbnorge.