Vi aukar i elevtal til hausten, og ein av våre dyktige lærarar skal i permisjon, og vi treng derfor to lærarar i 100% stilling frå 01.08.25. Det er i utgangspunktet vikariat, men om du har den utdanninga og kvalifikasjonane vi ser etter, kan du få fast lærarstilling.

Kleppelunden skule åpna i august 2024, og er ein flott skule som ligg i sentrum av Klepp. Skulen ligg svært fint til med turområdet Kleppeloen som næraste nabo. Dette området vert flittig brukt til uteskule. Vi har plass til 350 elevar, og er frå hausten 310 elevar frå 1.-7.trinn.  

I Kleppskulen er kjernekomponentane den engasjerte eleven, profesjonelle læringsfellesskap og læreplanforståing. 
På Kleppelunden skule er den engasjerte eleven eit utviklingsområde, og me skal arbeida saman i profesjonelt læringsfellesskap for at elevane skal få ein engasjerande, aktiv og lærerik kvardag. For å få til dette skal me mellom anna arbeide strukturert med Oracy, som handlar om å auka elevane sin kompetanse i å tenka, reflektera, kommunisera og forstå seg sjølv og andre, gjennom arbeid med språk. 

Vi har flotte fasillitetar; mellom anna flott bibliotek, store og gode rom til kunst og handverk og sløyd, godt utstyrt musikkrom, god gymhall, fint personalrom og skaparverkstad med spennande utstyr. Godt utstyrte rom vil danna grunnlaget for å kunna arbeida kreativt med digitalisering og estetiske fag. 
Me jobbar for å skape ein ny inkluderande og motiverande kultur der alle føler dei bidrar og er viktige for resultatet. Vi har flotte og flinke tilsette som kvar dag gjer sitt beste for elevane våre.

Arbeidsoppgåver

Planlegga og gjennomføra ei variert undervisning med vekt på elevaktivitet, og som utviklar elevane sin faglege og sosiale kompetanse 

Sørge for eit trygt, inkluderande  og godt skule-og klassemiljø for alle 

Kontaklæraroppgåver  

Aktiv deltaking i ulike profesjonssfaglege læringsfellesskap på skulen 

Heim-skule samarbeid 

Kvalifikasjonar

Godkjent undervisningskompetanse 1.-7. trinn 

Kompetanse innan begynneropplæring er ønskeleg.  Elles er matematikk, norsk, engelsk og musikk fag som er prioritet. 

God kunnskap i norsk både munnleg og skriftleg. 

Du har god forståing og kjennskap til læreplanverket.

Du har kompetanse i, interesse for og erfaring med bruk av ulike digitale læringsverktøy. 

Personlege eigenskapar vil bli lagt vekt på.

I tråd med opplæringslova er tilfredsstillande politiattest ei forutsetning før tilsetting 

Personlege eigenskapar

• ein trygg vaksen som trivst i klasserommet 
  
• ein dyktig relasjonsbyggar med eit inkluderande elevsyn 
• strukturert 
• ein robust klasseleiar 
• fleksibel og sjølvstendig 
• ein med godt humør 
• god til å kommunisere og samarbeide 
• positiv, fleksibel og har stå- på- vilje 

Vi tilbyr

Du får ein unik sjanse til å vere med å bygge ein ny kultur i ein heilt ny skule med flotte fasilitetar både inne og ute.  
Her får du ein spennande, variert og utviklande jobb der du får vera med å utgjer ein forskjell for elevane, saman med dyktige kollegaer.  
Du kan få bruke kreativiteten din på mange ulike område, og saman skal vi skape eit godt og inkluderande arbeidsmiljø.  
Rett utanfor skulen er det flotte ute- og turområde og jærstrendene er berre ein sykkeltur unna. 
Klepp kommune har diverse velferdsordningar og gode pensjons- og forsikringsordningar. Tilsetting skjer forøvrig på dei vilkår og med dei plikter som fremgår av utlysing, og dei til ein kvar tid gjeldande lover, reglement og tariffavtalar.   

Kontaktinformasjon

Kariann F Leikanger, Rektor, +47 98434386

Arbeidsstad

Lunden 3
4350 Kleppe

Nøkkelinformasjon:

Arbeidsgivar: Klepp kommune

Referansenr.: 4963305984
Stillingsprosent: 100%
Vikar
Startdato: 08.08.2025
Sluttdato: 31.07.2026
Søknadsfrist: 15.05.2025