Har du lyst å gjera ein skilnad i barn og unge sine liv? Då er dette stillinga for deg -- bli med på laget vårt!

Sævarhagen avlastingsbustad gir tilbod til barn og unge med ulike funksjonsnedsetjingar. Brukarane mottek tenester etter individuelle vedtak etter Helse-- og omsorgstenestelova. Arbeidet består i å skapa gode dagar gjennom eit fagleg og systematisk arbeid med kvart einskild barn og ungdom i samråd med føresette, ulike andre aktørar og ikkje minst dine gode kollega. Me har nye, flotte fasilitetar i Sævarhagen på Stord.

**Me har ledig vikariat som assisterande avdelingsleiar i 100% stilling frå 01.05.2025 og til 30.06.2026.**Stillinga er i todelt turnus, arbeid 4. kvar helg

Me ynskjer deg som:

• Har høgt engasjement for barn og unge, og gjerne erfaring med brukargruppa

• Har stor arbeidskapasitet og er fleksibel

• Vil vera med å ta ansvar og ha ulike koordinatoroppgåver for våre barn og ungdommar

• Som lyttar til barnet/ungdommen sin kommunikasjon med respekt og vil samhandla med barnet/ ungdommen til å løysa ulike oppgåver og utfordringar saman

• Som likar å vera ein lagspelar og arbeida systematisk saman med resten av laget rundt barnet

Kvalifikasjonskrav:

• Norsk autorisasjon som vernepleiar/sjukepleiar, evt miljøterapeut eller relevant helse- eller sosialfagleg høgskuleutdanning

• Gode norskkunnskapar både munnleg og skriftleg.

• Personlege eigenskapar vert vektlagt ved tilsetting.

• Ein må framlegge godkjent politiattest av ny dato ved tilsetjing.

Me kan tilby:

• Varierte arbeidsoppgåver i eit tverrfagleg fagmiljø

• Godt arbeidsmiljø

• Moglegheita til å vera med å forma framtida sitt avlastningstilbod i Stord kommune

• Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.

• Løns- og arbeidsvilkår i samsvar med kommunalt avtaleverk

• Offentleg tenestepensjon

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.

Kontaktpersonar:

Konstituert avdelingsleiar Elin Maria Aasheim, tlf 99047658 eller assisterande avdelingsleiar Vilde Toft tlf 91398279