Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

. Video: https://youtu.be/vtJLmcUJ3-w

Om stillinga:

Universitetet i Bergen er ein anerkjent utdannings- og forskingsinstitusjon, organisert i sju fakultet og rundt 54 institutt og senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

IT-assistentane er IT-avdelinga sitt ansikt i møte med andre studentar på heile UiB. IT-assistentane er vanlegvis studentar med gode IT-kunnskapar og serviceinnstilling som arbeider ca. 10-12 timer i veka ved sida av studiet. Derfor oppmodar vi studentar til å søkje. Vi har pr i dag fem ledige stillingar, det kan og bli aktuelt å tilsette fleire.

Arbeidet er organisert som ein turnus. Omfang og tider kan, innanfor rimeleg omsyn, variere etter behov og ønske. IT-assistentane har eigen arbeidsplass med PC.

Oppstart i uke 32 eller 33 etter avtale.

Arbeidsoppgåver:

• Tilsyn med teknisk utstyr i auditorium og undervisningsrom og brukarstøtte til brukarar av dette utstyret
• Tilsyn med datamaskiner og skrivarar i PC-stover. Enklare teknisk driftsarbeid med PC-ar, skrivarar og nettverkskabling/-komponentar
• Brukarstøtte og hjelp til studentar
• Informasjon og rettleiing av brukarane. Formidling av informasjon mellom brukarane og IT-avdelinga/fakulteta
• Ta del i forbetringar og utvikling av IT-tenestene for studentar saman med IT-avdelinga og fakulteta

Kvalifikasjonar og eigenskapar:

• Du må ha påbegynt høgare utdanning
• Du må vere løysingsorientert og praktisk anlagt
• Du må jobbe godt i team
• Vi krev god generell teknisk kunnskap, og kunnskap om Windows (gjerne også Mac eller Linux) og programvare. AV-teknisk kompetanse er òg ønskeleg. Like viktig er det med ei generell positiv og serviceinnstilt haldning. IT-avdelinga vil gje opplæring i dei konkrete arbeidsoppgåvene og i rutinar, reglement m.m. som er aktuelle
• Dei som skal tilsettast må kunne snakke norsk flytande.
• Det er et ønske at søkjar har kjennskap til UiB og UiBs tenester.
• Jobben passar for studentar med interesse for IT og god røynsle med PC-bruk. Ein må ha grunnleggande IT-forståing og -kunnskapar, men treng ikkje IT-utdanning
• Vi vil leggje spesiell vekt på personlege eigenskapar som gjer søkjarane skikka til stillinga

Andre kvalifikasjonar som blir vektlagt:

• Erfaring frå serviceyrke
• Erfaring med å samarbeide med andre, og kunne jobbe sjølvstendig

Vi tilbyr:

• Deltidsstilling som Teknikar (kode 1090) i årsløn. kr. 405 800 tilsvarande 100% stilling i det statlege regulativet, eller høgare etter ansiennitet
• Medlemsskap i Statens pensjonskasse
• Stilling i ei inkluderande arbeidslivsverksemd (IA-verksemd)
• Eit godt og fagleg utfordrande arbeidsmiljø
• Gode velferdsordningar

Generell informasjon:

Utfyllande opplysningar om stillinga kan ein få ved å vende seg til: Trond Gravvold, telefon: 924 87 482, e-post: trond.gravvold@uib.no

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

UiB er underlagt regelverket for eksportkontroll og regelverket kan komme til anvending ved behandling av søknader til stillinga.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.