Vestland fylkeskommune er mellom dei største offentlege oppdragsgjevarane i regionen, og søkjer strategisk innkjøpar til innkjøpsseksjonen. Kontorstad for denne stillinga er Leikanger.

Innkjøpsseksjonen har ansvar for samordning, oppfølging og utvikling av innkjøpsområdet i fylkeskommunen. I tillegg har seksjonen ansvar for tilrettelegging og bruk av IKT-verktøy i samband med innkjøpsverksemda. Seksjonen har totalt 20 medarbeidarar og er organisert i ei eining for operativt innkjøp, ei for strategisk innkjøp og ei for avtaleforvaltning. 15 av medarbeidarane har kontorplass i Vestlandshuset i Bergen sentrum og 5 har kontorplass i Leikanger, ein liten halvtime frå Sogndal med bil eller buss.

Eining for strategisk innkjøp arbeider primært med etablering og administrasjon av rammeavtalar, og gjennomføring av større einskildkjøp der beløpet er over 1,3 MNOK. Rådgjeving og leverandørutvikling er òg sentrale oppgåver. Eining for strategisk innkjøp har totalt 11 medarbeidarar.

Innkjøpsseksjonen har nyleg etablert ei gruppe som skal drive avtaleforvaltning og -oppfølging, og strategisk innkjøpar skal saman med avtaleforvaltar sikre ein god overføringsprosess når kontrakten skal gå frå anskaffing til forvaltning.

Arbeidsoppgåver

Til den ledige stillinga som rådgjevar/spesialkonsulent søkjer vi deg som ønskjer å bidra til effektiv bruk av samfunnet sine ressursar gjennom å leie og kvalitetssikre innkjøpsprosjekt og -prosessar i samsvar med regelverket for offentlege anskaffingar. Dette omfattar å kartlegge marknaden og behova saman med brukarar/interessentar i Vestland, utarbeide konkurransegrunnlag og kontraktsforslag, analysere tilboda som kjem inn, gjennomføre forhandlingar, dokumentere tilrådd løysing, ferdigstille kontraktar og følgje opp desse.
 
Som tilsett i innkjøpsseksjonen vil du i det daglege arbeide operativt innafor innkjøpsområdet og vil i tillegg gje innkjøpsfagleg støtte og rettleie kollegaer i både eiga eining og i andre delar av fylkeskommunen.

Kvalifikasjonar

Vi søkjer primært deg som har jobberfaring frå innkjøp eller prosjektleiing, gjerne i offentleg sektor. Vi vil vurdere innkomne søknader og kan også tilsette nyutdanna. Utdanning og jobberfaring vil avgjere om søkjar blir innplassert som rådgjevar eller spesialkonsulent. Det må av fram av søknad om ein søkjer på stilling som rådgjevar eller spesialkonsulent.

Vestland fylkeskommune har ein politisk vedteken innkjøpsstrategi der m.a. sosialt ansvar, løns- og arbeidsvilkår, seriøsitetskrav, miljøvennlege og bærekraftige innkjøp, leverandøroppfølging, forhandlingar, kategoristyring, behovsanalysar, bruk av balanserte standardavtalar og personvern vert sett på som viktige element. Erfaring frå eitt eller fleire av desse områda vert sett på som positivt.

Utdanning:

• Ønskeleg med utdanning på minimum bachelornivå frå universitet eller høgskule innan økonomi, rettsvitskap, samfunnsvitskap eller liknande.
• Anna utdanning kan og vurderast.
  

Jobberfaring:

• Ønskjeleg med erfaring frå innkjøps- og prosjektarbeid.
• Nyutdanna kan og søkja.

Personlege eigenskapar

• Kommersiell teft.
• Gode samarbeidsevner.
• Analytiske og strategiske evner.
• God munnleg og skriftleg framstillingsevne.
• Høg etisk standard.
• Evne til å arbeide sjølvstendig.

Vi tilbyr

• Eit godt og utfordrande fagleg miljø med høgt tempo.
• Fagleg dyktige kollegaer med stort engasjement for faget og arbeidsplassen sin.
• Varierte arbeidsdagar med ulike oppgåver og utfordringar.
• Moglegheit for heimekontor inntil 2 dagar i veka.
• Kontorplass i rehabilitert fylkesbygg i Leikanger .
• Fleksibel arbeidstid og gode pensjons- og forsikringsvilkår i tillegg til konkurransedyktig løn.

Kontaktinformasjon

Sturla Alvheim, leiar, 92489670

Arbeidsstad

Askedalen 2
6863 Leikanger

Nøkkelinformasjon:

Arbeidsgivar: Vestland fylkeskommune

Referansenr.: 4967496073
Stillingsprosent: 100%
Fast
Søknadsfrist: 12.06.2025