Vil du leie ein kulturskule som skapar kunst- og kulturglede for barn og unge i Øystre Slidre? 

Øystre Slidre kommune søkjer ein engasjert og framoverretta rektor, som vil vere med å utvikle ein attraktiv og inkluderande kulturskule. Kulturskulen tilbyr undervisning og aktivitet i estetiske fag for barn, unge og vaksne. Vi utviklar kulturskulen i tråd med visjonen kulturskule for alle, med mål om å ha høg deltaking, og å vere ein kulturskule som vert opplevd som synleg og tilgjengeleg i heile kommunen. 

Kulturskulen har om lag 110 elevar og 14 lærarar, og tilbyr opplæring og aktivitetar i musikk, dans, kunst, teater og teknisk kulturarbeid. Vår kommune har eit rikt og variert kulturliv, der kulturskulen skal ha eit tett samarbeid med skular, barnehagane og frivilligheita om å styrke og utvikle det lokale kulturtilbodet, og for å kunne gje gode kulturopplevingar til alle. Vi samarbeider og tett med dei andre kulturskulane i Valdres om felles fag og bruk av felles lærarar. 

Som rektor har du ansvar for den daglege drifta og utviklinga av kulturskulen. Du har eit blikk for kvalitet i undervisninga og aktivitetane, ser samanhengar og moglegheiter, og er oppteken av møta mellom lærar og elev. Du leiar profesjonelle pedagogar og kunstnarar i det daglege, og inngår i samhandlingsteamet til kultureininga - for kulturskulen - saman med tilsette ved biblioteket, frivilligsentralen, ungdomsklubben og kultursjefen.  

Stillinga kan kombinerast med undervisning i kulturskulen eller andre stillingar i kommunen, ut frå kvalifikasjonar og behov. 

 

Stillinga er ledig frå 1. januar 2026, då noverande kulturskulerektor blir ny kultursjef. Vi ynskjer at ny kulturskulerektor kan starte i stillinga så snart som mogleg etter tilsetting. 

    

Arbeidsoppgåver

• Kulturfagleg, pedagogisk og administrativ leiing av kulturskulen, herunder økonomi- og personalansvar
• Utvikling av kulturskulen sine tilbod og aktivitetar 
  
• Informasjons- og kommunikasjonsarbeid som er relevant for kulturskulen
  
• Samhandling med andre kommunale og offentlege aktørar, frivillige organisasjonar, institusjonar og profesjonelle aktørar. 

Andre oppgåver som bidreg til å løyse kommunen sine mål og ambisjonar innan kulturverksemda vil også kunne leggast til stillinga.

Kvalifikasjonar

• Minimum 3-årig relevant høgare utdanning, helst innan kunst-/kulturfag
  
• Pedagogisk utdanning
  
• Gode leiareigenskapar og gjerne relevant leiarutdanning/erfaring
  
• Erfaring frå kulturskule eller anna relevant verksemd
  
• Søkjar må ha gode norskkunnskapar, førarkort og disponere bil
  
• Gyldig politiattest er eit krav

Personlege eigenskapar

• 
  
• Tydeleg og inkluderande leiarstil – evnar å motivere og inspirere tilsette og elevar.
• God kommunikasjonsevne – både skriftleg og munnleg, med evne til å bygge gode relasjonar.
• Strategisk og utviklingsorientert – ser moglegheiter for vekst og kvalitet i kulturskulen.
• Resultatorientert og strukturert – kan planlegge, prioritere og følge opp mål.
• Kreativ og løysningsorientert – evne til å tenkje nytt og finne gode løysingar.
• Samarbeidsvillig og relasjonssterk – byggjer nettverk og samarbeidar godt med ulike aktørar.
• Evne til å handtere endring – trygg i omstillingsprosessar og fleksibel i møte med nye utfordringar.
• Engasjert og kulturinteressert – genuin interesse for kunst og kultur som samfunnsressurs.

Vi tilbyr

• Engasjerte og fagleg dyktige medarbeidarar
• Stor grad av tillit, ansvar og høve for fagleg utvikling
• Høve for fleksibilitet
  
• Opplæring og rettleiing ved behov
  
• Gode forsikrings- og pensjonsvilkår i KLP

Kontaktinformasjon

Øystein Skattebu, kultursjef, 41222840, oystein.skattebu@oystre-slidre.kommune.no

Arbeidsstad

Bygdinvegen 1989
2940 HEGGENES

Nøkkelinformasjon:

Arbeidsgivar: Øystre Slidre kommune

Referansenr.: 5047641493
Stillingsprosent: 50%
Fast
Søknadsfrist: 11.01.2026