UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

. Video: https://youtu.be/vtJLmcUJ3-w

Universitetslektor

Ved Det medisinske fakultet, Klinisk institutt 2, er det ledig ei åremålsstilling som universitetslektor (20 % ekstraerverv «bistilling») i medisin (obstetrikk og gynekologi) for ein periode på 4 år frå tilsetjing. Stillinga er knytt til fast hovudstilling (min. 50 %) som lege ved Kvinneklinikken, Helse Førde. Arbeidsstad er Førde.

Vi søkjer ein medarbeidar som saman med andre tilsette i undervisningsgruppa i obstetrikk og gynekologi vil bidra til framifrå undervisning av medisinstudentar på 5. året i profesjonsstudiet

Arbeidsoppgåver:

Stillinga inneheld oppgåver innan

• undervisning, rettleiing og tilrettelegging av undervisning  i obstetrikk og gynekologi
• generell undervisning og undervisning i høve til dei andre studieprogramma ved fakultetet/instituttet kan verte pålagt
• administrative oppgåver etter rettleiande tidsmessige rammer

Den som vert tilsett, vert del av undervisningsgruppa for obstetrikk og gynekologi, og vil få delansvar for utforming av undervisning av medisinstudentar frå Universitetet i Bergen.

Kvalifikasjonar og eigenskapar:

• Søkjar må ha norsk cand.med.-grad eller tilsvarande kompetanse
• Søkjar må anten være i slutten av spesialisering i fødselshjelp og kvinnesjukkdommer eller vere ferdig spesialist
• Det er eit ynskje at søkjar har brei og relevant klinisk erfaring, samt engasjement og interesse for undervisning 
• Det er eit ynskje at søkjar har undervisnings- og administrativ erfaring samt erfaring med populærvitskapleg formidling
• Det vert lagt vekt på dokumentert vilje og evne til samarbeid

Personlege eigenskapar blir vektlagd ved vurderinga.

Undervisningsspråket er i hovudsak norsk. Det blir kravd at den som blir tilsett har ferdigheiter i norsk eller eit anna skandinavisk språk på nivå B2 innan tre år etter tilsetjinga. UiB tilbyr norskopplæring og vil legge til rette for at språkkravet kan oppfyllast.  

Vi tilbyr:

• Spanande og utviklande arbeidsoppgåver i eit sterkt fagmiljø 
• Faglege utfordringar med gode høve for personleg utvikling og kompetanseutvikling
• Løn er for tida kr 615 000 – 680 000  (kode 1009) brutto pr. år for ei fulltidsstilling. For særleg kvalifisert søkjar kan det verte aktuelt å vurdere høgare løn
• Medlemsskap i Statens pensjonskasse
• Gode velferdsordningar

Søknaden skal innehalde:

• Ei kort utgreiing om søkjaren sin motivasjon for å søkje stillinga
• CV
• Karakterutskrifter (all høgare utdanning) og relevante attestar
• Dokumentasjon på utdanningsfagleg kompetanse 
• To referansar (namn og kontaktinformasjon)

Om du driv forsking legg du og ved:

• Fullstendig publikasjonsliste
• Vitskaplege arbeid (maks 10) i PDF-format

Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden (pdf).

Generell informasjon:

Utfyllande opplysningar om stillinga kan ein få ved å vende seg til  instituttleder Silke Appel på e-post: silke.appel@uib.no eller fagansvarleg i obstetrikk og gynekologi Nils-Halvdan Morken på e-post: nils-halvdan.morken@uib.no 

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju

Nærare om tilsettingsprosessen her.