Om stillinga

Arbeidsoppgåver er mellom anna informasjonsarbeid, rekneskap og kontroll innan landbruksforvaltning og andre støtteordningar. Gjennom informasjon, tilskots- og regelforvaltning og kontroll samordnar vi den nasjonale politikken på fylkesnivå. Landbruksavdelinga vert leia frå Førde og har kring 30 tilsette, hovudsakleg i Førde og i Bergen. Statsforvaltaren har til saman seks avdelingar med ulike fagfelt. 

Arbeidsoppgåver

• Forvaltning og kontroll av skogfondsrekneskap
• Rettleiing om rekneskap i partistøtteordninga
• Kontrolloppgåver i landbruket, inkludert internkontroll i forvaltninga.
• Publisering av informasjon
• Anna kontorarbeid, som tilrettelegging av eksterne samlingar m.m.  

Kvalifikasjonar

• Utdanning på bachelornivå med økonomi/rekneskap. Stillinga kan og passe for nyutdanna. 
• Relevant arbeidserfaring frå offentleg forvaltning er ein fordel, og kan erstatte formell utdanning.
• Digital kompetanse.
• God skriftleg og munnleg framstillingsevne på norsk.

Personlege eigenskapar

• Du kommuniserer godt, munnleg og skriftleg.
• Du er fleksibel og likar å samarbeide med andre.
• Du kan og arbeide sjølvstendig og effektivt.

Som tilsett hos Statsforvaltaren får du

• interessante arbeidsoppgåver
• eit kompetent og tverrfagleg arbeidsmiljø
• ein arbeidsplass i utvikling
• medlemskap i Statens pensjonskasse med god pensjonsordning, gunstig bustadlån og forsikringsordning
• trening i arbeidstida
• delvis heimekontor 
• fleksibel arbeidstid
• løn i samsvar med vår lokale lønspolitikk

Vi ønskjer mangfald

Statsforvaltaren ønskjer mangfald, og vil leggje til rette for eit inkluderande arbeidsliv. 

Vi oppmodar alle kvalifiserte kandidatar til å søkje utan omsyn til alder, kjønn, nasjonal eller etnisk bakgrunn, funksjonsevne eller hol i CV-en. Vi oppmodar om å krysse av i jobbsøkjarportalen dersom du har nedsett funksjonsevne, hol i CV-en eller innvandrarbakgrunn. Dersom det er kvalifiserte søkjarar frå desse gruppene kallar vi inn minst ein søkjar i kvar av gruppene til intervju. Les meir om dette hos Arbeidsgivarportalen.

Vilkår

Alle som søkjer stillinga må søkje digitalt gjennom rekrutteringsportalen Jobbnorge. Du må laste opp relevante vitnemål og attestar. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå NOKUT. 

Når søknadsfristen er ute, vurderer vi søknaden din på bakgrunn av informasjonen du har sendt oss. Det er derfor viktig at du både i søknadsbrevet og CV-en, viser korleis kompetansen din fyller krava som er sett i utlysinga. 

Stillinga er lønna i stillingskode 1408 førstekonsulent/ 
1434 rådgjevar, frå kr 500 000–680 000 brutto per år ut frå kvalifikasjonar og lokal lønnspolitikk. 

Dei første seks månadane er prøvetid. Du kan lese meir om det i statens personalhandbok.

Tenestemålet til embetet er nynorsk.

Offentleg søkjarliste blir utarbeidd etter søknadsfrist. Dersom du ønskjer å reservere deg frå oppføring må du grunngje dette. Du får varsel om reservasjon i rekrutteringsportalen dersom reservasjon ikkje blir teken til følgje.