Vi søkjer deg som vil bruke delar av sommaren din hos oss på Kystmuseet i Florø. Hos oss fer du rikare: Du har fått relevant arbeidserfaring, du har arbeidd saman med kjekke kollegaer, du har lært om kulturhistoria vår, du har møtt mange menneske og opplevd vestlandsnaturen i all slags vêr!

Hva vi ser etter

Vi ser etter deg som:

• er fødd seinast i 2007

• er flink til å uttrykke deg munnleg på norsk og engelsk

• trivst i ei vertskaps- og omvisarrolle

• har interesse for og likar å formidle kulturhistorie

• har erfaring med SoMe

• tilpassar deg og trivast med variasjon i arbeidsoppgåver

• stiller opp og er til å lite på

• har ordenssans og får ting gjort

Arbeidsoppgaver

Sommaren er ei travel tid på Kystmuseet, med mange besøkande som vil oppleve utstillingar, og det museet har å by på inne og ute. Som sommarvert spelar du ei viktig rolle i sesongavviklinga, og du vil ta del i å løyse mange oppgåver på museet, både åleine og saman med andre.

Som sommarvert hos oss vil du ha ei vertskapsrolle der du:

• tek imot besøkande på museet

• har førstelinjeteneste i resepsjon (telefon og billettsal)

• driv salg og varehandtering i butikk og kafe

• publiserer innhald i museet sine SoMe-kanalar

• går omvisingar med besøkande

• har enkle administrative oppgåver

• har enkle reinhalds- og skjøtselsoppgåver

Vi tilbyr

Som sommarvert hos oss vil du få god opplæring både på museet, og som deltakar på eit digitalt INTRO-program for alle sommarvertar i Musea i Sogn og Fjordane. Du må derfor ha høve til å setje av tid til dette laurdag 26. april.

Arbeidet på museet følgjer vaktplan, normalt med arbeidstid mellom 10:45-17:15 måndag til søndag i perioden 16.06.2025-17.08.2025.