Høgskulen på Vestlandet har ledig fast stilling i 100% innan IT

Høgskulen på Vestlandet har ledig fast stilling som nettverksadministrator ved faggruppa for IT Infrastruktur. IT består i dag av omlag 50 engasjerte og dyktige medarbeidarar, og er ein del av Høgskulen på Vestlandet si digitale satsing.

Stillinga inngår i faggruppa for IT Infrastruktur, som handterar drift, vedlikehald, utvikling og langsiktig planlegging av system og tenester innanfor Høgskulen på Vestlandet si digitale infrastruktur.

Du vil få ein innhaldsrik arbeidsdag med krevjande oppgåver og moglegheit til å påverke val av teknologier, løysingar og arbeidsmetoder

Stillinga vil gi gode moglegheiter for fagleg utvikling.

Arbeidsstad er campus Bergen.

Ansvars- og arbeidsoppgåver:

• Delta i prosjektarbeid for å forbetre og utvikle gode løysingar
• Drift av IT-systemer, både lokalt og i sky
• 2. og 3.line brukarstøtte
• Planlegge, installere, vedlikehalde, utføre endringar og dokumentere løysingar
• sikre at IT-sikkerheita vert ivareteke
• Stillinga kan bli tillagt andre arbeidsoppgåver innanfor avdelinga sine arbeidsområder

Kvalifikasjonskrav:

Formell utdanning og kompetanse:

• For tilsetjing i stilling som avdelingsingeniør krevjast minimum 3-årig høgskule- eller universitetsutdanning som ingeniør, eller utdanning av tilsvarande lengde og omfang innan relevant fagområde. Realkompetanse kan i særskilte tilfelle kompensere for kravet om formell utdanning. 
• For tilsetjing i stilling som overingeniør krevjast relevant høgskule- eller universitetsutdanning på minimum bachelornivå. Lang og relevant realkompetanse kan i særskilte tilfelle kompensere for kravet om formell utdanning.
• For tilsetjing som senioringeniør krevjast relevant høgskule- eller universitetsutdanning på minimum masternivå. Vidare er det ei forutsetning med omfattande relevant erfaring og spesialkompetanse på høgt nivå innanfor stillinga si funksjon. Realkompetanse kan i særskilte tilfelle kompensere for kravet om fullført mastergrad, med forutsetning om at kandidaten har bachelorgrad.

Personlege eigenskapar:

• Du er nysgjerrig på ny teknologi og motivert til å lære og utvikle deg i stillinga
• Du er proaktiv og løysingsorientert
• Du har ei positiv haldning og er villig til å hjelpe kollegaer med IT-relaterte utfordringar
• Du er sjølvstendig, men må også kunne arbeide godt i team
• Du er grundig og detaljorientert, men må også ha evne til å sjå samanhengar

Ved tilsetjing vil det leggjast vekt på personlege eigenskapar som gjer søkjaren skikka til stillinga.

Vi tilbyr:

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving - og utvikling
• Høve for trening i arbeidstida

Stillinga er løna etter Statens lønsregulativ, i stillingskode 1085 avdelingsingeniør/ 1087 overingeniør/ 1181 senioringeniør.

Frå løna vil det bli trekt 2 % innskot til Statens pensjonskasse.

Korleis søke på stillinga?

Send søknad og CV ved å klikke på knappen merka ”Søk stilling” på denne sida.

Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning. 

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 

Søknadar kan ikkje sendast på e-post til enkeltpersonar ved høgskulen.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV.

Arbeids- og opphaldsløyve i Norge er ein føresetnad for å tiltre stillinga. 

Høgskulen på Vestlandet er underlagt forskrift for eksportkontrollsystem. Forskrifta kan komme til anvending i behandlinga av søknadane.

Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering.

Kontaktperson(ar) ved Høgskulen på Vestlandet er:

1) Overingeniør, Svein-Ove Urdal, Tlf: 55 58 77 46

2)  Nestleiar, Idar Magne Flemmen, Tlf: 52 70 26 21

Inkludere, utfordre og samhandle

Les meir på våre heimesider.