Vil du vere med å starte opp ein ny TSB poliklinikk i Bergen og Bjørgvin Fengsel, då er dette rette staden for deg!

I samarbeid med kriminalomsorgen er vi i ferd med å opprettet ein TSB poliklinikk der vi søker etter sjukepleiar/vernepleiar med relevant vidareutdanning og erfaring, som vil vere med å bygge opp eit godt og tilpassa tilbod til målgruppa. Innsette har same krav til utgreiing og behandling som andre borgarar, og dette vil vere eit banebrytande tilbod nasjonalt.

Poliklinikken vil ha ansvar for LAR oppfølging, og vurdering om det er behov for avrusing ved innsetting. Poliklinikken vil gje tilbod til innsette som ønsker å nytte moglegheita til utgreiing av psykisk helse og starte opp med behandling i form av individualsamtalar og gruppetilbod. Kvinner og dei unge er grupper som er i behov av særskild oppfølging. Her treng vi din kompetanse til å utvikle eit differensiert og godt tilbod.

Forsking viser at innsette i fengsel er overrepresentert av personar med rusliding, sosiale- og psykiske utfordringar, så korleis kan vi bruke fengselet som endringsarena? Vi tenkjer at dette kan vere starten på eit vidare behandlingstilbod, og poliklinikken vil bidra til samhandling med 1 og 2. linjetenesta for vidare oppfølging etter lauslating.

AFR har ca 600 medarbeidarar og består av seksjon LAR, to ruspoliklinikkar, ein ambulant seksjon og fleire døgnseksjonar, både innan akutt- og planlagd behandling. Avdelinga er i ein spennande utvikling, mellom anna knytta til aukande differensiering av tenester for avhengigheitslidingar og fagleg integrasjon med Psykisk helsevern. Forskingseksjonen i AFR har fleire spennande forskingsprosjekt i LAR og deltar i den nasjonale følgeforskinga på HAB og forsking på substitusjon med amfetamin.

Bergen og Bjørgvin TSB poliklinikk er ein eigen sekjson, og vil av praktiske grunnar ligge under Avdeling for LAR. LAR har 120 tilsette og er fordelt på 5 poliklinikkar i ulike bydelar, samt HAB. Kvar seksjon er tverrfagleg samansett av psykolog, lege, sjuke- og vernepleiar og sosionom. 

Bergen og Bjørgvin TSB poliklinikk har allereie tilsett seksjonsleiar, 2 sjuke- og vernepleiarar, overlege er tilknytt LAR, 2 psykologstillingar er under utlysning. I tillegg er der psykolog i Stifinneren i Bjørgvin fengsel som også vil bli knytta til poliklinikken. Det vil vere eit nært samarbeid med kriminalomsorgen i fengselet, sosionomavdelinga og helseavdeling samt Seksjon for fengselspsykiatri. 

Sjuke- og vernepleiarstillingane går i turnus i utgangspunktet kvar 3 helg då poliklinikken har ansvar for utdeling av LAR legemiddel i samarbeid med kriminalomsorgen.

Arbeidsoppgåver

• Administrering av LAR legemiddel og oppfølging av pasientar i LAR i samarbeid med LAR poliklinikkane
• Kartlegging av pasientar med avhengnad og psykiske tilstandar som er under straffegjennomføring, etter tilvising
• Samarbeid om behandlingsplan og oppfølging av pasientar
• Individualsamtalar og gruppetilbod
• Bidra til utvikling av behandlingstilbod til målgruppa
• Samhandling internt og eksternt
• Rettleiing internt til medarbeidarar og eksternt til samarbeidspartnarar

Kvalifikasjonar

• Offentleg godkjend sjukepleiar/vernepleiar med relevant vidarutdanning
• Ønskeleg med erfaring innan rusfeltet og/eller psykisk helsevern
• Fordel med kjennskap og/eller interesse for soning og kriminalomsorg
• Norsk autorisasjon
• Særs gode kunnskapar i norsk, både munnleg og skriftleg
• Må legge fram merknadsfri politiattest

Personlege eigenskapar

• Du har eit godt lag med folk og får fram det beste i dei
• Du har motivasjon og interesse for fagfeltet
• Du bidrar positivt til eit fagleg og kollegialt godt miljø
• Du har god fagleg vurderingsevne, arbeider målretta og strukturert
• Du må kunne arbeide godt både sjølvstendig og i team
• Du tilpassar deg lett og er løysingsorientert og fleksibel
• Du kommuniserer og samarbeider godt med pasientar og kollegaer

Vi tilbyr

• Løn etter avtale
• Gode pensjons- og forsikringsordningar
• Triveleg arbeidsmiljø
• Høgt fagleg nivå
• Fagleg og personleg utvikling
• Ein arbeidsplass som er inkluderande arbeidsliv-bedrift ( IA bedrift)
• Kompetanseheving og rettleiing

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Anny Berge, Rådgjevar, 41124126, anny.berge@helse-bergen.no
Gry Irmelin Dale, Leiar, 55214800

Arbeidsstad

Steinestøvegen 401
5109 Hylkje

Nøkkelinformasjon:

Arbeidsgivar: Helse Bergen HF

Referansenr.: 4954655466
Stillingsprosent: 100%
Fast
Søknadsfrist: 08.05.2025