Om stillinga

Ikt-løysingar i Noreg skal vere universelt utforma. Dette gjeld nettsider, appar og automatar. Uu-tilsynet i Digitaliseringsdirektoratet (Digdir) fører tilsyn med at private og offentlege verksemder, lag og organisasjonar følgjer forskrifta om universell utforming av ikt. Tilsynet legg stor vekt på arbeid med innsikt og analyse,slik at vi utfører våre oppgåver på ein kunnskapsbasert og effektiv måte.

Vi søkjer no ein analysemedarbeidar til analyseteamet vårt. Stillinga er midlertidig og gjeld ut 2026. Arbeidsstad er på Leikanger i Sogndal kommune.

Sentrale arbeidsoppgåver

Vi arbeider teambasert, og stillinga vil inngå som del av analyseteamet. Arbeidsoppgåvene vil bli tilpassa kompetansen til den som blir tilsett. Aktuelle arbeidsoppgåver vil vere å:

• samle inn, strukturere og kvalitetssikre data frå ulike kjelder
• utføre kvantitative analysar for å identifisere trendar, barrierar og risikoområde innan universell utforming av ikt
• formidle komplekse data på ein enkel og forståeleg måte
• administrere og vedlikehalde datasett  inkludert deling av datasett gjennom API

Kvalifikasjonar

Du må ha:

• minimum 3-5 års utdanning frå universitet eller høgskule fortrinnsvis innan samfunnsøkonomi, statistikk, datavitskap, informatikk eller tilsvarande. Relevant erfaring kan kompensere for delar av utdanningskravet
• erfaring med kvantitative metodar
• erfaring med å samle inn, strukturere og analysere data
• erfaring med bruk av analyse- og datavisualiseringsverktøy som Power BI, Highchartseller tilsvarende
• kjennskap til eit eller fleire relevante programmeringsspråk, som Python, JavaScript, SQL,M (Power Query), Reller tilsvarande
• kunnskap om universell utforming av ikt
   

Du bør ha:

• god formuleringsevne på norsk og engelsk
• kjennskap til Microsoft Azure-analyseverktøy, som t.d. Fabric og DataFactory
• kjennskap til offentleg forvalting

Vi søkjer deg som

• er analytisk, strukturert og løysingsorientert
• evner å formidle komplekse data og analysar på ein forståeleg måte
• evner å arbeide sjølvstendig og i team, med god samarbeidsevne og fleksibilitet
• tar initiativ og er sjølvdreven
• motiverast av å bidra til forbetring gjennom datadriven innsikt og automatisering

Vi tilbyr deg

• arbeidsoppgåver på eit felt prega av høg utviklingstakt og eit spennande samfunnsoppdrag 
• eit godt arbeidsmiljø med ein uformell tone og stor vilje til å skape noko saman  
• lønn som rådgjevar eller seniorrådgjevar i lønnsspennet kr 600 000 – kr 850 000 pr. år etter kvalifikasjonar. 
• medlemskap i Statens pensjonskasse som er ei av landets beste pensjonsordningar med gunstig bustadlån og gode forsikringsordningar
• familievenleg personalpolitikk med gode arbeidstidsordningar
• opning for to timar trening i veka i arbeidstida 

Les meir om  å jobbe i staten på Arbeidsgiverportalen.

I tillegg til spennande faglege utfordringar kan vi også tilby kombinasjon av fleksibel arbeidstid og fantastiske mogelegheiter for kortreiste friluftseventyr i kvardagen. Visste du at Sogn er kjent for sin gode laussnø og fantastiske sykkelstiar?

Inkluderande arbeidsliv og mangfald

Vi har tru på at mangfald er ein viktig byggestein i eit godt, spennande og utviklande arbeidsmiljø, og vi oppfordrar alle kvalifiserte kandidatar til å søke. Rett kompetanse på rett stad er vår viktigaste prioritering når vi rekrutterer, og vi vil legge til rette for at personar med nedsett funksjonsevne også kan jobbe hos oss. 

Vil du vite meir?

Synes du dette høyrest interessant ut og ønskjer nærare informasjon, kontakt gjerne

Seksjonssjef Espen Rørvik Tjøstolvsen
E-post: espenrorvik.tjostolvsen@digdir.no

Telefon: 928 00 530

Vitnemål og attestar må følge søknaden. Vi ber om at du hentar vitnemål frå Vitnemålsportalen direkte i Jobbnorge når du søker stillinga. Har du teke heile eller delar av utdanninga di i utlandet, ber vi om ei autorisert oversetting av papir og vitnemål, og godkjenning frå NOKUT.

Søkarlister kan bli offentleggjort iht. offentleglova § 25. Dersom du ønsker å reservere deg frå oppføring på offentleg søkarliste, må dette begrunnast. Opplysningar kan bli offentleggjort sjølv om du har bedt om ikkje å bli oppført på søkerlista. Du vil i så fall bli varsla.